影片
更多
2022-01-15
53 瀏覽
📍 Monster Carbs旺中嘅立食區不嬲都有好多野食，舖頭轉手嘅速度都好快，呢日就試左一間新開嘅Burger店，除左burger佢哋仲有唔同嘅特色小食(˶‾᷄ ⁻̫ ‾᷅˵)🍽食物👍🏻川式麻辣漢堡 $32 7/10→ 麻辣漢堡好少見，夠晒fusion～ 麻辣醬唔會好辣但有香料嘅刺激感，食多幾啖就feel到花椒嘅麻幾過癮😂→ 配料有芝士、牛肉、生菜同蕃茄，同經典漢堡差唔多。但就轉咗麻辣汁，牛肉唔算好厚，煎完都仲好Juicy～ → 麵包有稍微烘過，唔會俾水份焗到濕晒👍🏻酸椰菜手撕豬漢堡 $36 7/10→ 麵包同上面處理一樣我幾中意👍🏻 → 餡料好足料，豬肉撕到一絲絲但唔會碎濕濕，保留左食肉嘅口感，亦都唔會好鞋口→ 但醬汁偏甜，酸椰菜會中和返啲甜味同時又增加返爽脆口感✨炸粉絲紫菜卷(醬燒牛肉) $22 8/10→ 即叫即炸，要小心辣親😂→ 包住紫菜嘅粉漿唔會好厚，炸到脆卜卜。裏面係調味過嘅韓國粉絲同牛肉粒，加埋bbq醬更加惹味，雖然熱氣但係會令人食唔停口😋👉🏻秘制辣醬炒燒賣 $18 6/10→ 秘制辣醬同川式麻辣漢堡個醬有啲似🤔唔係太辣但係有啲麻香味～ → 燒賣似係來貨質素，不過如果炒得再
旺中嘅立食區不嬲都有好多野食，舖頭轉手嘅速度都好快，呢日就試左一間新開嘅Burger店，除左burger佢哋仲有唔同嘅特色小食(˶‾᷄ ⁻̫ ‾᷅˵)
🍽食物
👍🏻川式麻辣漢堡 $32 7/10
→ 麻辣漢堡好少見，夠晒fusion～ 麻辣醬唔會好辣但有香料嘅刺激感，食多幾啖就feel到花椒嘅麻幾過癮😂
→ 配料有芝士、牛肉、生菜同蕃茄，同經典漢堡差唔多。但就轉咗麻辣汁，牛肉唔算好厚，煎完都仲好Juicy～
→ 麵包有稍微烘過，唔會俾水份焗到濕晒
👍🏻酸椰菜手撕豬漢堡 $36 7/10
→ 麵包同上面處理一樣我幾中意👍🏻
→ 餡料好足料，豬肉撕到一絲絲但唔會碎濕濕，保留左食肉嘅口感，亦都唔會好鞋口
→ 但醬汁偏甜，酸椰菜會中和返啲甜味同時又增加返爽脆口感
✨炸粉絲紫菜卷(醬燒牛肉) $22 8/10
→ 即叫即炸，要小心辣親😂
→ 包住紫菜嘅粉漿唔會好厚，炸到脆卜卜。裏面係調味過嘅韓國粉絲同牛肉粒，加埋bbq醬更加惹味，雖然熱氣但係會令人食唔停口😋
👉🏻秘制辣醬炒燒賣 $18 6/10
→ 秘制辣醬同川式麻辣漢堡個醬有啲似🤔唔係太辣但係有啲麻香味～
→ 燒賣似係來貨質素，不過如果炒得再乾身啲應該會更加惹味，而家略嫌有啲太濕感覺唔似炒，似係將醬汁淋係燒賣上面
💁🏼♀️服務
👍🏻店員有禮貌，有耐性
👉🏻個時得一個員工要做晒收銀、整野食同出餐，所以等嘅時間耐左啲
📝總評 7/10
小店出品有誠意，食物質素都幾好，唔會因為係旺中就hea整野食，整體性價比幾高👍🏻 我就最推薦粉絲紫菜卷，除左韓國餐廳之外真係好少可以食到🤣不過因為係立食區，食得有少少狼狽😂
👛人均消費 ~$50(冇加一)
⏱冇限時
張貼
