臺水鏜 (已結業)

難得今日入到屯門，就特登去友愛商場入邊嘅其中一間台灣嘢食。佢哋嘅餐單好豐富，你可以搵到台式港式甚至係霸王雞你都搵得到。今日就食左台式先，下次有機會再試埋其他。首先出場嘅係整到金黃色嘅雞扒，賣相唔錯，份量夠多，再加埋肉燥，基本上一定食得飽。然後就到小食部份，今日是食咗紫菜肉鬆蛋餅。佢嘅蛋餅比想像中厚身一啲，但就比起其他蛋餅，充滿蛋味。有種食蛋捲嘅感覺。入邊嘅肉鬆不過不失，紫菜就偏少，如果中間可以多少少料就會更好。對於一個區外人來講，要搵呢間舖一啲都唔易。不過你認住三哥譚仔，同埋加藤屋，只要你搵到呢兩間野，臺水鏜就係你隔離。