影片
更多
2021-10-09
169 瀏覽
🥡韓式燒烤牛板腱+五花腩呢個韓式燒烤雖然枱上面有個盤，但係店員竟然俾咗另一個獨立嘅烤盤，下面用gas 爐，個人覺得傳熱比較慢咗啲～講返兩款肉類，兩款都冇我想像中咁大份，牛肉本身同平時喺牛角食到嘅差唔多味道。五花腩就應該係用咗雪藏嗰啲，但係肉味都唔差。🥡招牌紫菜卷飯Kimbap 喺韓國真係必食咁滯，口味重多到一個點混。今次叫左佢哋嘅招牌卷飯，不過就令人有啲失望啦，因為米飯本身煮得太冧，食落口就一pat pat 咁，改善返相信都係好食嘅～🥡半半炸雞（蘋果+原味）話明慶生當然要飲啤酒啦，所以叫埋炸雞一齊食。原味炸雞比較淡口，個炸粉比較厚，感覺都冇乜調味。蘋果味上面就諗咗一啲糖漿，識落有啲似糖醋骨咁嘅味，鐘意試新野可以試下嘅～🥡部隊火鍋部隊火鍋有茄汁豆係好正常嘅事，不過呢度就重手咗少少，味道上面都唔太影響，同平時嘅差唔多。入面嘅年糕非常好食，但其他材料就唔算多啦，提一提大家呢度加個麵仲要加$20 架～🍜呢間韓國餐廳入面全部都係講英文嘅員工，懷疑佢哋採取無為而治嘅管治方法，所以要請人過嚟做某啲嘢都好難下，不過唔使擔心點餐係電子化嘅，但點完餐就比較難搵到人啦。🍜額外一提，朋友今次生日喺入邊切蛋糕係
🥡韓式燒烤牛板腱+五花腩
呢個韓式燒烤雖然枱上面有個盤，但係店員竟然俾咗另一個獨立嘅烤盤，下面用gas 爐，個人覺得傳熱比較慢咗啲～講返兩款肉類，兩款都冇我想像中咁大份，牛肉本身同平時喺牛角食到嘅差唔多味道。五花腩就應該係用咗雪藏嗰啲，但係肉味都唔差。
🥡招牌紫菜卷飯
Kimbap 喺韓國真係必食咁滯，口味重多到一個點混。今次叫左佢哋嘅招牌卷飯，不過就令人有啲失望啦，因為米飯本身煮得太冧，食落口就一pat pat 咁，改善返相信都係好食嘅～
🥡半半炸雞（蘋果+原味）
話明慶生當然要飲啤酒啦，所以叫埋炸雞一齊食。原味炸雞比較淡口，個炸粉比較厚，感覺都冇乜調味。蘋果味上面就諗咗一啲糖漿，識落有啲似糖醋骨咁嘅味，鐘意試新野可以試下嘅～
🥡部隊火鍋
部隊火鍋有茄汁豆係好正常嘅事，不過呢度就重手咗少少，味道上面都唔太影響，同平時嘅差唔多。入面嘅年糕非常好食，但其他材料就唔算多啦，提一提大家呢度加個麵仲要加$20 架～
🍜呢間韓國餐廳入面全部都係講英文嘅員工，懷疑佢哋採取無為而治嘅管治方法，所以要請人過嚟做某啲嘢都好難下，不過唔使擔心點餐係電子化嘅，但點完餐就比較難搵到人啦。
🍜額外一提，朋友今次生日喺入邊切蛋糕係需要收100蚊切餅費嘅，不過侍應們會落足心機唱生日歌比壽星聽，仲會全場熄燈，都幾難忘嘅～
張貼
