影片
更多
2018-09-23
122 瀏覽
旺角小巷中經常可以發掘到唔同既小店同美食，今日行行下見到呢間街坊Cafe。雖然名叫街坊，但唔一定係食平民野、普通野既晚餐時段有數款二人餐可以選擇，我地揀左價值$398既日本熊本霜降牛西冷二人餐。頭盤係吞拿魚蟹籽沙律，好似比較少有餐廳用吞拿魚配沙律，吞拿魚味道較重，配合埋蟹籽，咸咸香香，係唔錯既配搭。不但令沙律冇咁單調乏味，亦都十分醒胃*吞拿魚蟹籽沙律*湯方面點左街坊素鮑參碗仔翅窩。冇諗過原來咁大煲，仲落足料，真係有一大隻鮑同參，心思可謂滿分而碗仔翅係我喜歡既質地，唔會太水，亦唔會太稠，飲完都唔會塞飽左個肚*街坊素鮑參碗仔翅窩*主菜之一係香草海鮮意大利麵，海鮮種類豐富。唔好以為顏色咁青就係濃郁既草味。其實香草味淡淡的，同海鮮非常協調。*香草海鮮意大利麵*另一主菜就係主角日本熊本霜降牛西冷啦。我地嗌左五成熟，牛肉的確好重牛味，肥瘦分佈平均，令每一啖都充滿肉汁同油脂香。餐廳用鐵板上有好有唔好，鐵板上的確好香，但又會令牛一路變熟。不過整體黎講水準中上*日本熊本霜降牛西冷*食完主菜當然唔少得甜品！呢度既甜品都好有創意，以Tiramisu吉士法國西多士伴雪糕為例，絕對係只此一家老實說食完咁豐盛既一
晚餐時段有數款二人餐可以選擇，我地揀左價值$398既日本熊本霜降牛西冷二人餐。頭盤係吞拿魚蟹籽沙律，好似比較少有餐廳用吞拿魚配沙律，吞拿魚味道較重，配合埋蟹籽，咸咸香香，係唔錯既配搭。不但令沙律冇咁單調乏味，亦都十分醒胃
*吞拿魚蟹籽沙律*
湯方面點左街坊素鮑參碗仔翅窩。冇諗過原來咁大煲，仲落足料，真係有一大隻鮑同參，心思可謂滿分而碗仔翅係我喜歡既質地，唔會太水，亦唔會太稠，飲完都唔會塞飽左個肚
*街坊素鮑參碗仔翅窩*
主菜之一係香草海鮮意大利麵，海鮮種類豐富。唔好以為顏色咁青就係濃郁既草味。其實香草味淡淡的，同海鮮非常協調。
*香草海鮮意大利麵*
另一主菜就係主角日本熊本霜降牛西冷啦。我地嗌左五成熟，牛肉的確好重牛味，肥瘦分佈平均，令每一啖都充滿肉汁同油脂香。餐廳用鐵板上有好有唔好，鐵板上的確好香，但又會令牛一路變熟。不過整體黎講水準中上
*日本熊本霜降牛西冷*
食完主菜當然唔少得甜品！呢度既甜品都好有創意，以Tiramisu吉士法國西多士伴雪糕為例，絕對係只此一家老實說食完咁豐盛既一餐，見到咁大份既甜品真係驚食唔曬，仲要係西多士咁飽肚既食物！不過西多士配埋Tiramisu醬，味道苦苦甜甜，感覺新鮮仲有爆谷同棉花糖，創意滿分。
*Tiramisu吉士法國西多士伴雪糕*
最後，套餐可以免費點兩杯汽泡水或蝶花凍飲。朋友點左戀愛大過天，係玫瑰、士多啤梨同菠蘿汽泡水，好有戀愛既感覺，甜甜的。而我就點左換個他，即係熱情果藍蝶花凍飲，飲品顏色好靚，好賞心悅目
*戀愛大過天 $48 （跟餐免費）*
*換個他 $48 （跟餐免費）*
張貼
