三門仔漁夫火鍋點心專門店 (已結業)

阿妹話佢屋企附近有間幾正既私房菜館,於是我就約個朋友一齊去品味一番這漁夫火鍋點心專門店就開係石離商場附近既,小區生意仔,人流吾多,入面又裝修得幾好坐得好舒服店員俾左幾份餐牌我地睇.原來菜館都得過好幾次雜誌既介紹.晚巿,就一般食小菜或火鍋既.我地最後叫左小菜,我就叫左個金銀蒜蝦石鍋飯,太史鮮魚羹同一支桂花菊花露.店員好有禮貌甘溫馨提示我地石鍋飯會好熱,小心吾好燙親.同埋,飯底有飯焦,可以翻開的飯食到.但其實,個蝦鍋一送上枱,我己被佢陣銀蒜香味同開邊虎蝦吸引住啦,開左邊既蝦,特別入味,又容易食,混埋的蒜香同少少飯焦一齊食,又香脆又美味,正呀!太史鮮魚羹,好鮮甜,啖啖肉,好足料,仲加左的陳皮,更加正.店員見我食緊魚羹,又好好甘走黎叫我小心魚骨,因為魚肉係人手拆骨取肉,所以,可能都會吾小心夾雜左小小魚骨.食飽香口惹味既小菜,再飲下支冰涼既桂花菊花露,感覺好正,仿似一股清泉.菜館的小菜每碟都好足份量.我地兩個食左差吾多一個半鐘至食得晒.食到好飽,我諗下次都係叫多幾個朋友一齊試埋其他小菜.