拉麵天王

營業中

休息中

媽媽今天去了我朋友的家作客，朋友住在紅磡，到我收工時就揸車就去咗紅磡接返媽媽，好耐都冇試過同媽媽兩個人撐枱腳，於是喺德民街兜吓睇吓有咩發現。行咗兩個圈之後，媽媽話想食麵，咁啱行過呢到拉麵天王，叫得自己間店做天王，應該可以試吓嘅，而且諗諗吓好似未同過媽媽食拉麵，咁我地就入咗去喇。媽媽唔食辣，我介紹咗比媽媽食黑天王，而我自己就點咗白天王坦白講，食日本幼拉麵我曾經兩次中伏，一次喺灣仔排通宵，有獨立間格座位嗰間x蘭食過一次幼麵嘅不愉快經歷；另一次係喺大阪道頓堀間金x中咗第二次伏，兩間都係要求硬麵，但都係淋到漿糊咁嘅Feel，自始我對幼麵嘅感覺係麻麻地。入黎嘅時候無留意係幼麵，但都座低咗，咁就叫咗碗麵食吓啦，我選擇咗適中嘅硬度，碗麵黎到時，一如以往先飲咗啖湯，湯嘅味道唔會太咸搶咗豬骨嘅味道；而隻糖心蛋唔似其他店咁得個色，呢到隻蛋好入味；單係呢兩樣，我已經感覺個麵應該會有驚喜比我😌食到個麵，一放入口之黎吞咗，我同媽媽講，我對日本幼拉麵係改觀哂，竟然可以入口彈牙得黎好爽口，真係對幼拉麵完完全全改觀哂！另外仲叫咗兩個小食，角煮豚肉好香口；餃子好脆，內裡仲有肉汁食飽後四圍望，發現有彩蛋呢！原來而家有周年