影片
更多
2021-03-08
1854 瀏覽
由於前一晚晚餐食得比較油膩，所以第二日想食湯類既野，結果比我發現花都開左一間新既米線店，個名咁特別，當然支持一下啦!!客人先到門口收銀處落單及付款，之後先可以入店。店內瀰漫住一陣酸味，老實講，唔太好聞，但由於開放式廚房，無法阻隔氣味傳出。食滯左既我，點左酸辣湯米線，配豬潤同牛肉(小辣)每個米線本身都有韭菜、支竹、芽菜、芫茜，如果唔食既朋友，記得走左佢。我同友人都高估左佢個小辣，實質一D都唔辣，而且個湯仲好酸，唔係酸菜既酸味，似白醋既酸，而且除左酸味外，無其他味，三個字形容「唔好飲」。值得一讚既係，配料好多，兩款料食極都有，米線都食唔哂。豬潤正常，唔係爽口款；牛肉用美極同生粉醃過，個人覺得唔需要用美極醃，因為太搶味。友人點麻辣湯米線(小辣)呢個湯底都係唔辣，有麻香但無麻感，比酸辣湯好少少。兩個米線都加$17轉套餐，各包一個半份小食，分別揀左雞絲粉皮同蒜泥白肉。我唔知全份小食到底有幾多，我只知半份既小食已經好似坊間一份既量!! 呢度既雞絲粉皮醬係用花生醬，我個人中意胡麻醬多D，因為前者油膩感好重，而後者有少許酸味，食落個味無咁單一同無咁膩。至於蒜泥白肉係為左寫食評而食左一塊，豬皮彈牙，但個
客人先到門口收銀處落單及付款，之後先可以入店。店內瀰漫住一陣酸味，老實講，唔太好聞，但由於開放式廚房，無法阻隔氣味傳出。
食滯左既我，點左酸辣湯米線，配豬潤同牛肉(小辣)
每個米線本身都有韭菜、支竹、芽菜、芫茜，如果唔食既朋友，記得走左佢。我同友人都高估左佢個小辣，實質一D都唔辣，而且個湯仲好酸，唔係酸菜既酸味，似白醋既酸，而且除左酸味外，無其他味，三個字形容「唔好飲」。
值得一讚既係，配料好多，兩款料食極都有，米線都食唔哂。豬潤正常，唔係爽口款；牛肉用美極同生粉醃過，個人覺得唔需要用美極醃，因為太搶味。
友人點麻辣湯米線(小辣)
呢個湯底都係唔辣，有麻香但無麻感，比酸辣湯好少少。
兩個米線都加$17轉套餐，各包一個半份小食，分別揀左雞絲粉皮同蒜泥白肉。
我唔知全份小食到底有幾多，我只知半份既小食已經好似坊間一份既量!! 呢度既雞絲粉皮醬係用花生醬，我個人中意胡麻醬多D，因為前者油膩感好重，而後者有少許酸味，食落個味無咁單一同無咁膩。
至於蒜泥白肉係為左寫食評而食左一塊，豬皮彈牙，但個蒜汁調味差少少。
其實我都想介紹比人，但味覺係誠實的，湯底對一碗湯麵黎講係好重要，希望小店可以係湯底調味方面改善下。
張貼
