影片
更多
2018-04-30
635 瀏覽
自從轉左新工黎尖沙咀，就慢慢發現更多呢度好食嘅餐廳和処酒肴就係其中之一，價錢適中而且質素有水準。係同事介紹下先BOOK 左位等收工過黎準時入座。一入黎就見日藉師傅準備緊食材，所以一坐低無耐已經可以開始上菜了。日本人守時同認真待客方面都真係香港日式料理餐廳值得參考嘅地方。同埋預先BOOK位嘅關係，每位客人都有店員細心手摺嘅名牌，非常得意同有心。先黎係頭盤嘅九款小食，未食都覺得豐富同埋吸引！各款前菜都好好食，份量又啱啱好食完都唔會好飽。排名不分先後嘅有：熒光魷魚沖漬：細細條用左醬油腌，食落黏口咸鮮。雞肉卷：肉質結實中帶嫩滑，凍食風味更好。甜蝦三文魚卷：甘甜同有有三色椒嘅配襯，色彩鮮艷。松前漬：用左希靈魚子／甘荀／海帶及魷魚乾混製，好惹味，下面兩粒三文魚明太子波同蘿白芝波味道都濃郁，同松前漬嘅配合幾好。黑松露玉子燒：香氣逼人同夠蛋香。莫久奈：係海菠蘿同海腸混合腌製，咸鮮味好突出同有潮式腌蟹嘅風味。估唔到除左係韓國食過之後可以係香港食返海菠蘿，真係好正。海鰻箱押壽司：味道清爽酥軟，好食。雜魚卷：彈牙同鮮甜，食落魚漿打得好滑。熊本蕃茄配麵豉：有認證嘅熊本蕃茄本身已經夠香甜，但再同麵豉嘅咸味同時混
一入黎就見日藉師傅準備緊食材，所以一坐低無耐已經可以開始上菜了。日本人守時同認真待客方面都真係香港日式料理餐廳值得參考嘅地方。同埋預先BOOK位嘅關係，每位客人都有店員細心手摺嘅名牌，非常得意同有心。
先黎係頭盤嘅九款小食，未食都覺得豐富同埋吸引！
各款前菜都好好食，份量又啱啱好食完都唔會好飽。排名不分先後嘅有：
熒光魷魚沖漬：細細條用左醬油腌，食落黏口咸鮮。雞肉卷：肉質結實中帶嫩滑，凍食風味更好。
甜蝦三文魚卷：甘甜同有有三色椒嘅配襯，色彩鮮艷。
松前漬：用左希靈魚子／甘荀／海帶及魷魚乾混製，好惹味，下面兩粒三文魚明太子波同蘿白芝波味道都濃郁，同松前漬嘅配合幾好。黑松露玉子燒：香氣逼人同夠蛋香。
莫久奈：係海菠蘿同海腸混合腌製，咸鮮味好突出同有潮式腌蟹嘅風味。估唔到除左係韓國食過之後可以係香港食返海菠蘿，真係好正。
海鰻箱押壽司：味道清爽酥軟，好食。
雜魚卷：彈牙同鮮甜，食落魚漿打得好滑。
熊本蕃茄配麵豉：有認證嘅熊本蕃茄本身已經夠香甜，但再同麵豉嘅咸味同時混合，味道再提升上去。
之後就係刺身環節，分別有黑𩶘／目張／赤蝦／左口魚及池魚，覺得幾款魚都係硬身魚，肉質食落都幾新鮮爽口，配上紫蘇花蕾同嫩苗愈咀嚼愈有魚味而且清新得黎唔會搶左赤蝦嘅味道。食完幾片白肉魚再食赤蝦，甜味一湧而上加上黏糯口感，反差感更覺魚蝦嘅配合出色。
鯛魚同樣同上食用菊花黎配搭，再加上嫩蔥，魚肉油脂適中食落彈牙同甘甜。因為火灸過魚皮，所以油脂燒過後嘅焦味令魚肉食落更香口。
接着係兩款煮物：櫻花蝦餅及馬鮫魚西京燒，再配上糖漬枝豆及腌蘿白。
櫻花蝦餅除左有蝦肉外仲有元貝混係入面，再加上薑絲韭菜炸得香口又唔油膩。馬鮫魚肉質結實不鬆散油脂唔算多，但魚味幾重煮得入味。而糖漬枝豆真係第一次食，入口好粉同清甜。同腌蘿白一樣啱晒黎配兩款煮物啱啱好。
𩶘魚白子茶碗蒸，味道好濃郁鮮味。平時白子都係凍食嘅多但估唔到用黎做蒸物都一樣咁掂，入口奶滑無腥味，茶碗蒸嘅蛋又夠滑而且蝦仁同銀杏嘅出現，令味道層次更豐富。
壽司十貫有別一般日式料理店，師傅會係上碟前先掃上自家製醬油先為壽司調味，令到食嘅時候唔使客人再點醬油，減低影響到壽司味道嘅機會，體現出OMAKASE由師傅呈現美食俾顧客嘅精髓。前六貫壽司由左上至右下，分別係：
愛侶魚：味道清淡，肉質偏實突出左醬油嘅甘味。
赤鯥魚：火灸過後魚肉收結變得爽口，有輕輕嘅焦味。
赤立魚腩：油脂香滑帶點軟，咀嚼一下就散發出油脂香味。
目仁奈魚：魚味重同紮實，雖然近血管位但一啲都唔腥，肉身好彈牙。
石斑魚腩：雖係腩位但油脂感不大，反而品嚐到橘子般清爽嘅油味。
金目鯛：同樣火灸過，但因為油分豐富令焦香味更出，一咬就覺得正了。
每握一件壽司，師傅都會摸一摸準備好嘅冰塊，降低手嘅温度避免手温影響到魚肉嘅味道。又會抺去我地面前壽司盤上面多餘嘅醬油。種種舉動都睇得出師傅對料理嘅嗰份堅持同執著。
海蝦壽司食落好鮮甜，而且膠質黏口非常。估唔到細細一隻蝦嘅威力咁大，開始時以為佢肉色灰灰藍咁，味道會比白肉蝦／赤蝦遜色，但一入口就完全推翻左呢個諗法了。
之後師傅提醒之下食埋個蝦頭，甜香嘅味道唔比蝦身差。因為蝦頭通常係腥味較重，但佢呢個反而係甘味好出眾一定要食。
海膽三文魚子，無用紫菜做成軍艦反而更突出兩者嘅甜味同奶香滑，因為有時會覺得紫菜嘅味會搶左海膽嘅甜，所以呢個味道覺得平衡得好好。
左口魚邊：裙邊是成條左口魚最鮮美同肥嘅部位，油脂豐富輕輕一燒，食落軟滑甘香。珍貴又美味嘅裙邊唔係度度有，今晚食到真係好開心。
最後係大拖羅腩壽司，入口即溶又無筋，淨係含係口入面油脂已經溶化出黎，鮮／甜／香／滑樣樣俱全。正。
去到尾聲，係小飯團及昆布龜手清湯。細細碗飯團由紫菜粉／海帶／雞肉粒／蝦仁／冬菇絲等製成，十分豐富。飯粒味道軟熟及醬香入味。龜手清湯用左罕見嘅狗瓜螺熬煮，鮮甜清香。食到呢度之前店員都問會唔會太飽，話可以將飯團打包走。呢個細心位又係唔加分唔得。
食埋個飯後甜品，今餐就完滿結束了。但其實甜品都同樣豐富，有香甜蜜瓜／濃郁抹茶蕨餅／清爽柚子雪葩及一口芝士蛋糕。一次過食均幾個口感味道各異嘅甜點，真係令人十分滿足。唔使過海就食到味道咁高質，價錢又相當實惠嘅日本料理，呢餐OMAKASE真係無得彈！卧虎藏龍嘅尖沙咀真係有得慢慢發掘。
張貼
