泰道 (已結業)

又襯週末, 去"泰道"食好野, 充充電。泰式生蝦刺身好鮮甜, 每次必點！大大隻生蝦好爽口！小食拼盤(細), 蝦餅魚餅好彈牙, 味道調得啱啱好, 不會太咸。馬沙文咖喱牛肉, 甜甜地, 啱我呢D唔食得辣嘅人, 牛肉軟綿綿, 咖哩好香, 配埋薄餅一流！椒鹽軟殻蟹, 脆卜卜, 蟹味濃郁。煎蠔餠, 鐵板上, 熱辣辣, D蠔好大隻, 很不錯。泰式燒鷄, 皮脆肉滑, 推薦之菜。香芋雞肉焗飯, 石窩上, 份量很多, 芋頭味好香。泰式魚肚羹, 好有碗仔翅feel, 魚肚大大件, 但質地太"杰", 不太合我胃口, 下次會試另一味湯。總括黎講, 食物質素高, 侍應服務態度很好很親切, 與店名"泰道"很配合！