更多
2021-06-12
123 瀏覽
近排將軍澳開咗好多唔同嘅咖啡店,各有特色,其中NOC嘅人龍喺假日從來冇停過,每次見到人龍都打退堂鼓,終於平日12:00俾我見到冇人,即刻約埋朋友落去試吓有咩吸引人之處。一入到去行,空間感十足,絕對唔侷促,枱同枱之間距離甚遠,好適合買杯咖啡休閒過晏晝,近窗邊係一排落地大玻璃,好天嘅時候見到海邊同藍天,感覺休閒。beef cobb bowl $138一啲都唔敷衍,個碗非常大,蔬菜同牛肉對得滿滿,絕對夠普通女仔嘅食量,面上嘅牛肉嫩滑,南瓜香甜,無花果同牛油果配搭得非常好,中間仲有粒糖心蛋,再加上香甜醬汁,輕輕鬆鬆就食晒成碗。即使係健康食品亦都唔絕對唔需要捱餓。今次食得太飽,冇機會試吓咖啡同其他麵包,但係係喺櫥窗見到都覺得10分吸引。希望下次有機會再光臨啦!
終於平日12:00俾我見到冇人,即刻約埋朋友落去試吓有咩吸引人之處。
一入到去行,空間感十足,絕對唔侷促,枱同枱之間距離甚遠,好適合買杯咖啡休閒過晏晝,近窗邊係一排落地大玻璃,好天嘅時候見到海邊同藍天,感覺休閒。
beef cobb bowl $138
一啲都唔敷衍,個碗非常大,蔬菜同牛肉對得滿滿,絕對夠普通女仔嘅食量,面上嘅牛肉嫩滑,南瓜香甜,無花果同牛油果配搭得非常好,中間仲有粒糖心蛋,再加上香甜醬汁,輕輕鬆鬆就食晒成碗。即使係健康食品亦都唔絕對唔需要捱餓。
今次食得太飽,冇機會試吓咖啡同其他麵包,但係係喺櫥窗見到都覺得10分吸引。希望下次有機會再光臨啦!
張貼