影片
更多
2019-12-31
323 瀏覽
聖誕節同朋友出街食飯，由於唔想出得太遠既關係就揀左係將軍澳食荳子呢間餐廳之前想試好耐，但因為佢地唔接受訂座既關係，每次去到都見到一條人龍係度排隊，對於無咩耐性既我黎講當然唔會再等落去啦唔知係咪因為呢間分店太新無咩人知既關係，今次黎到見條龍都唔算好長，真係有點驚訝。排左五分鐘左右，侍應陸續向排隊既客人登記人數。我前面個啲全部係三至四位既家庭客，侍應就話兩位既話唔洗等，即刻有位可以入去，yeah!食物都算多選擇~All day breakfast都有6、7款不過我地無揀All day breakfast，揀左香草八爪魚、黑松露軟殼蟹意粉、安格斯牛肉流心蛋漢堡開初以為入面環境會坐得好唔舒服，估唔到又幾闊落上菜都算幾快趣，不過張枱就窄左少少香草八爪魚原來係一個細兜仔裝住，隔離再有沙律伴碟佢係用橄欖油、橄欖同洋蔥炒八爪魚片同我想像中既好大差別...味道亦都唔係我個人口味安格斯牛肉流心蛋漢堡就連埋沙律菜同薯條薯條新鮮熱辣，唔錯漢堡入面塊牛肉都幾厚身，流心蛋煎得勁靚仔，一切開個蛋黃流哂出黎真係勁吸引...加上半溶既芝士....未放入口已經知會好好食果然不失所望!!真係超正...依家諗起都想再食多次!
荳子呢間餐廳之前想試好耐，但因為佢地唔接受訂座既關係，每次去到都見到一條人龍係度排隊，對於無咩耐性既我黎講當然唔會再等落去啦
唔知係咪因為呢間分店太新無咩人知既關係，今次黎到見條龍都唔算好長，真係有點驚訝。排左五分鐘左右，侍應陸續向排隊既客人登記人數。
我前面個啲全部係三至四位既家庭客，侍應就話兩位既話唔洗等，即刻有位可以入去，yeah!
食物都算多選擇~All day breakfast都有6、7款
不過我地無揀All day breakfast，揀左香草八爪魚、黑松露軟殼蟹意粉、安格斯牛肉流心蛋漢堡
開初以為入面環境會坐得好唔舒服，估唔到又幾闊落
上菜都算幾快趣，不過張枱就窄左少少
香草八爪魚原來係一個細兜仔裝住，隔離再有沙律伴碟
佢係用橄欖油、橄欖同洋蔥炒八爪魚片
同我想像中既好大差別...味道亦都唔係我個人口味
安格斯牛肉流心蛋漢堡就連埋沙律菜同薯條
薯條新鮮熱辣，唔錯
漢堡入面塊牛肉都幾厚身，流心蛋煎得勁靚仔，一切開個蛋黃流哂出黎真係勁吸引...
加上半溶既芝士....未放入口已經知會好好食
果然不失所望!!真係超正...依家諗起都想再食多次!!呢個漢堡真係必試!!
黑松露軟殼蟹意粉一放上枱就已經聞到陣陣既黑松露香味!!
軟殼蟹炸到好酥脆，仲食到啖啖蟹肉
黑松露忌廉好香濃，身為黑松露粉絲既我真係食指大動，意粉好掛汁！每一啖意粉都滿滿黑松露味！
份量仲要唔少~值得一試!!
飲品方面我地叫左榛子朱古力同牛油果青蘋果特飲
落單前已問清楚牛油果青蘋果特飲係唔係沙冰，侍應話唔係，點知黎到杯野都係沙冰質感，有點失望。
我杯榛子朱古力其實都無咩特別，亦都飲唔出榛子味，普通朱古力一杯
甜品都幾ok，我地叫左個芝士蛋糕同埋另一件雪山造型既蛋糕 ( 但我真係完全唔記得左係咩味...ORZ )
芝士蛋糕堅係整左個芝士造型，得意之餘又幾好味，質地好滑
張貼
