七月烤魚 (已結業)

呢間舖啱啱轉手無幾耐，見有串燒而且價錢算合理，所以就試一試，晚市6:30到要等位，好明顯係新C坑。等左半個鐘左右有位。食物唔講住，一坐低見隻碟洗唔乾淨就先扣分🤦🏻‍♂️ 叫咗條江圓魚$288 + $68 四款配料，上菜算快，真係要讚吓廚師刀工，蓮藕片可以切到1mm厚，唔明真係食材貴呀？定係師傅時間多呢？相反午餐肉足足有1.5cm條魚食到咁上下，就落單食串燒，上菜都算快，可惜全部都唔熱，只係微暖，明顯係一早燒定廚房保溫。更失望係喺枱面上個保溫爐燒蠟燭完全搵唔到食，串燒本身都唔夠熱，個保溫板又唔熱，完全食唔到串燒嘅感覺😔，結果叫侍應都係比個烤魚盤幫啲串燒加熱啦😉 串燒就真係好一般，肉質，味道，溫度都完全唔到位。3個人消費$800算可以。