和牛燒肉一郎 (新都城中心二期) (已結業)

原來將軍澳開咗間燒肉放題，一直都冇留意到最近見到有人講佢，然後啲牛好似幾靚，今日收工同個friend近近地就決定入去食小試牛刀，所以叫咗個B餐食吓先!一落完單之後，職員就會上一條豐富嘅船，入面有牛肉豬肉，扇貝同埋原條魷魚筒！🤩職員哥哥仲親自幫我燒，平時食燒肉店舖多數都係一啲細細件嘅魷魚，好少見到原條拎出嚟即刻燒，而且係超級大條，燒完縮咗水之後都仲係啖啖肉😝好正原本以為冇叫最貴兩個餐嘢食選擇會少，原來都有超級多款牛俾你order，特別係我一向最鍾意食嘅牛舌都有四款俾你揀😍 推介食厚切牛舌同埋牛肋條，再揀鹽味，勁match而且完全帶到牛既鮮味嚟出嚟另外叫咗薄炙牛里脊肉，在額外叫多一隻溫泉蛋，我諗大家都知道呢個係完美嘅組合，燒好驚留咗點落去蛋漿，絕配😍大家記得要額外叫多一隻溫泉蛋啦！另外行出去仲有自助沙律，飲品，爆谷，甜品同埋雪糕區，食咗咁多肉都唔驚，可以食返其他甜品小食去解膩整體來講環境都坐得幾舒服，唔會逼夾，下次可以再帶屋企人嚟試吓😋