和牛燒肉一郎 (新都城中心二期) (已結業)

新都城既餐廳都唔少，要係云云既對手入面突圍而出真係唔容易。今晚探店的燒肉餐廳真係令我喜出望外，餐廳全部食材都是來自日本的，每隻和牛仲有獨特番號比你認證，保證高質。餐廳喺寶琳地鐵站出黎行2-3分鐘就到，係商場正中間，門口有一隻1:1 和牛既模型，好容易搵。 我們點的是套餐C，每位$368，包左兩款黑毛和牛、澳洲M9 薄炙，另外仲有海鮮、豚肉、雞肉、牛肉任食。兩款黑毛和牛分別是： 和牛牛肋肉：油脂較少 肉味濃郁和牛里脊肉：油脂比例均勻 入口即溶澳洲M9 薄炙：雖然油脂比和牛少，但牛味較濃 其他特選牛肉有四款，有牛肋肉、牛里脊肉、薄炙里脊肉、同埋角切一口牛，質素一啲都唔馬虎，特別係牛里脊肉，我哋叫咗好多轉，入口肉質細嫩，而且油花分布好靚👍🏻👍🏻除咗海鮮雞肉豚肉之外，仲有一品料理及小食可以叫，竟然仲有生牛肉刺身可以點！最值得欣賞係甜品係有10幾款日本樂天同埋明治雪糕，款款都好吸引，所以我哋一人都食咗兩支🤣總結：以每人$368 既價錢，可以食到多款牛肉、肉類、料理任食，仲可以試埋黑毛和牛，呢個價錢真係唔話得✅滿足晒食肉獸嘅胃口。