7
一入店就見到老夫子、大番薯、秦先生嘅搞笑造型公仔同場景，連牆身都係打咭位，童年回憶返哂黎！
💡老公子推介茶式
🥢各有千秋｜蜜椒蕃薯牛柳粒（$148）
用蕃薯代替薯仔夠特別，外脆內甜好似食緊糖不甩，牛柳粒軟嫩帶焦香，蜜椒汁酸甜開胃，三色椒仲keep到爽口，整體配搭有心思。
🥢勢均力敵｜鹹魚蒸馬友（$208）
馬友魚肉嫩滑無骨，蒸得啱啱好，鹹魚嘅鹹香滲入魚肉，加埋薑蔥同豉油提鮮，撈飯食真係停唔到口！
🥢非同凡響｜滷水鵝肝（$178）
鵝肝煮到入口即化，滷水汁入味唔鹹，底下墊嘅芽菜吸晒汁，食落濃香得嚟又唔膩，抵讚！
🥢魚香炒菜花 （$88）
韭菜花幼嫩，炒得爽脆，加咗魚鬆夠鹹香，落咗少少辣椒吊味，食落更惹味。
