Greyhound Café (PopCorn) (已結業)

山長水遠黎到將軍澳聽真道簡介會，當然要順道黎試下附近一帶的美食。我地揮軍直入將軍澳心臟地帶「爆谷」，呢個商場認真架勢，好似入左IFC咁，平時想食IFC Greyhound果間要大排長龍，黎到Popcorn Greyhound 輕鬆直入，原來事出有因......單骨雞翼一字既之曰：「乾」，同我响泰國Greyhound食差天共地。失望！青咖哩牛肉大佬呢味青咖哩真係稀過水，真係唔咪好識得欣賞。佢仲配埋個薄餅，但塊薄餅又凍又硬，點埋稀過水的青咖哩汁，簡直係絕配。生菜肉碎粉皮呢味我鍾意個汁酸酸地好醒胃，用塊粉皮包住肉碎食有點「呢Hey」！啫啫通菜呢味熱辣辣的啫啫通菜爽夾嫩，Very Good!帶子墨汁天使麵個汁太稀，墨汁麵冇香味，帶子有點韌，失望。凍檸茶大佬，杯凍檸茶澀嘅？同泰國杯超好飲的凍檸茶有天壤之別，呢下真係拆招牌......奶茶千層蛋糕本身用奶茶做蛋糕已經夠特別，造型滿分，可惜蛋糕一督就散，化成一灘水，令人慘不忍睹......芒果糯米飯千祈唔好抱任何幻想，完全不著邊際，芒果還芒果，糯米飯還糯米飯，零交流！