得閒飲茶 (MONTEREY Place)

營業中

休息中

原來將軍澳海旁都有精緻餐廳食點心，夜晚想飲夜茶都係一個好選擇～個環境真係好舒服，望住將軍澳海景之餘又可以品嚐點心，平時放假都可以同屋企人過嚟chill 下🏖️除咗環境滿分之外，嘢食都有返咁上下質素！烔叉燒包個人比較鍾意食焗叉燒包多個蒸嘅，因為個皮係雪山皮，咬落去多啲口感之餘仲要熱辣辣！餡同皮嘅比例啱啱好🥰🥰紫菜鮮蝦腐皮卷新鮮炸起一定係最好食，食得出啲紫菜都仲係好脆口添！鍾意食煎炸嘢嘅朋友一定唔可以錯過！🍤懷舊灌湯餃呢個係一個好傳統嘅懷舊灌湯餃，兩個灌湯餃原籠蒸，要自己拎出嚟放落碗度食，灌湯餃嘅皮唔會太厚，而且入邊十分之足料～灌湯餃配埋少少紅棗真係一流🥟鵪鶉蛋松露燒賣飲茶點少得要叫燒賣！呢度嘅燒賣唔係普通豬肉燒賣，而係松露燒賣，而且依家鵪鶉蛋燒賣已經好少見，粒鵪鶉蛋真係仲流心🤪✌🏻滑蛋炒蝦球夜晚除咗食點心之外都想食啲主食，所以就叫咗呢個好簡單嘅滑蛋炒蝦球，依然流心嘅蛋漿，配埋蔥同蝦球，係一個好好送飯嘅菜式🤤🤤鹹魚雞粒炒飯一個好似好簡單嘅炒飯，但係其實要煮得好都唔易，因為要做到粒粒分明之餘，仲要乾身，鹹魚雞粒呢個配搭都係冇得輸嘅，鹹魚又唔會過多，個份量啱啱好，少少鹹之餘仲有雞粒嘅配搭😍😍估唔