湯•米 (已結業)

前幾日同屋企人去左呢間台式一人一鍋打邊爐，價錢經濟實惠，又幾高質。藥膳䐁肉鍋 $96藥膳味好香，每個配料都好入味，正。本身配左豚肉，份量意想不到地多，唔係得三四片。配埋蟲草花、紅棗同枸杞感覺好養生。另外配料仲有娃娃菜、椰菜、雲耳、金針菇、鲜冬菇、豆腐、粟米、炸薯仔、炸支竹同埋鳴門卷。每個鍋都可以揀配粉絲或者白飯，我就揀左粉絲，幼身嘅淥一淥就已經食得，索曬湯底嘅精華。招牌臭臭鍋 $98朋友揀左要招牌臭臭鍋，材料大致差唔多，不過豚肉變左牛肉，同埋會有鴨血、貢丸同埋滷大腸。湯底類似沙茶味道，有得揀辣度，揀左中辣但唔算好辣。麻辣臭豆腐 $44有八件，食落唔算好辣但麻辣嘅香味十足。不過臭豆腐好入味，鹹鹹辣辣都幾好食。鹽酥雞扒 $44呢個相當有驚喜，食落同喺台灣食到嘅味道好似，份量又多，雞扒炸得好脆，帶點椒鹽香，雞肉好滑嫩，又唔會皮肉分離，點少少甜酸醬都好正。豚肉片 $34有好多片，淥一陣就食得。芝士茶王八號 $36奶蓋味道幾唔錯，茶王八號飲落甘甜，解渴一流。