和牛燒肉一郎 (新都城中心二期) (已結業)

呢間日式燒肉店有唔少朋友介紹過，今次經開將軍澳分店，入去試吓佢嘅和牛放題。餐廳有四個放題選擇，我哋點咗C餐「日本產黑毛和牛放題及極上花盛合」，120分鐘任點任食。入面座位好闊落，我哋先來四款指定盛合，其他食物係掃code落單，用運輸帶送嚟，出餐速度又幾快。先講四款盛合，一定要推介「是日寶箱」嘅西冷和牛，質素好高呀，油脂分布平均，入口即溶，牛味濃郁。其他「舟盛合」、「桶盛合」同「極尚花盛合」入面有牛、豚、鷄同海鮮及野菜不同配搭，無論係牛肋肉定里脊肉，豬肉同雞肉亦都好好味，十分之有驚喜。海鮮有帆立貝同蝦，新鮮好味。另外要讚下除咗食物好味之外，擺盤亦都好有心思，尤其係「極尚花盛合」，入面捲咗唔少肉肉玫瑰，打卡一流。出面有個自助bar，可以拎沙律、甜品同飲品。飲品方面除咗有基本嘅汽水及茶外，仲有不同組合水果茶。甜品有多款明治雪條雪糕選擇，我哋揀咗白桃烏龍茶同藍莓乳酪雪條，食埋甜品真係大滿足。餐廳座位私隱度都高，食物質素好，份量十足，食完四款盛合其實已經回本。120分鐘放題，唔使急住燒，可以慢慢嘆，值得推介呀。