影片
更多
2020-05-21
536 瀏覽
今次同朋友慕名而黎到元朗呢一間由2014年起，開係橫街窄巷一啲都唔起眼但係來頭一啲都唔小嘅壽司の神，以神之名號，奉小野次郎先生為偶像，推崇日式匠人精神，以精益求精態度為食客準備料理，食材大部份由北海道空運直送返黎。以下落黎會為大家續一介紹每一道壽司嘅名同埋做法同味道，請留意，由於口味呢家野係因人而異加上omakase嘅食材係跟季節而定，所以希望大家只係當資訊咁睇，唔好作為定論。Omakase大部份係由淡味魚開始食到濃味魚。咁事不而遲，首先介紹嘅第一道壽司蜜柑鯛 - 用蜜柑餵飼嘅𩶘魚 食落有淡淡嘅柑橘香味。之後，第二道壽司就係帆立貝 - 師傅係上面加上柚子皮再另外用左新鮮檸檬嘅檸檬汁唧係帆立貝表面 食起上黎鮮甜又帶一啲淡淡酸味。跟住，第三道壽司就係新鮮鯖魚 - 師傅係鯖魚上面搽上香香嘅醬油再放左一小堆薑蔥 個人本身唔太鐘意薑蔥 但係出奇地鯖魚嘅魚香配上醬油香味 令到大部份嘅薑蔥嘅味覆蓋左 所以個人感覺幾驚喜。再落就係第四道壽司，墨魚 - 嗱 講到墨魚呢 個人就係最鐘意呢道魚生，所以期望都好高，師傅係墨魚表面加上梅醬同紫蘇葉，但係由於紫蘇葉嘅葉味清香，令到墨魚嘅味道唔係太出，但係個人認為海
Omakase大部份係由淡味魚開始食到濃味魚。咁事不而遲，首先介紹嘅第一道壽司蜜柑鯛 - 用蜜柑餵飼嘅𩶘魚 食落有淡淡嘅柑橘香味。
之後，第二道壽司就係帆立貝 - 師傅係上面加上柚子皮再另外用左新鮮檸檬嘅檸檬汁唧係帆立貝表面 食起上黎鮮甜又帶一啲淡淡酸味。
跟住，第三道壽司就係新鮮鯖魚 - 師傅係鯖魚上面搽上香香嘅醬油再放左一小堆薑蔥 個人本身唔太鐘意薑蔥 但係出奇地鯖魚嘅魚香配上醬油香味 令到大部份嘅薑蔥嘅味覆蓋左 所以個人感覺幾驚喜。
再落就係第四道壽司，墨魚 - 嗱 講到墨魚呢 個人就係最鐘意呢道魚生，所以期望都好高，師傅係墨魚表面加上梅醬同紫蘇葉，但係由於紫蘇葉嘅葉味清香，令到墨魚嘅味道唔係太出，但係個人認為海醬同醬油搭配非常好，所以救返少少分，10分會比大約6-7分左右。
至於第五道壽司深海池魚，作為CP值比較高嘅深海池魚係屬於比較濃味嘅魚類，係黎自九洲西北部長崎縣，夏季盛產，所以今次食都特別肥美，肉質細緻帶少少油份，味道鮮甜，配上少少柚子胡椒加醬油，將深海池魚嘅味道進一步咁昇華，個人認為10分滿分黎講呢一味係值得有9分，非常欣賞師傅嘅安排。
講到濃味嘅魚類又點少得吞拿魚呢，接住落黎第六同第七道壽司分別就係中拖羅同埋赤身，淡淡嘅油香味加上醬油感嘅感覺，誇張啲講，簡直就好似上左天堂咁。個人比較鐘意赤身嘅油份加上中拖嘅肥美，但係兩道菜色都非常出色，講到吞拿魚真係只有omakase先會有好嘅質素，出面日本餐廳係無論如何都比唔上。
之後要講嘅就係呢一個松葉蟹壽司 - 師傅非常大方咁放左好大堆松葉蟹肉係空心飯上面再係松葉蟹肉上面加上酸汁啫喱，淡淡蟹肉嘅肉汁非常香甜，再配上酸汁啫喱又係另一番風味。
之後就係北海道銀雪魚壽司 - 個人覺得呢一道菜係非常之有驚喜，自細都只係知道銀雪魚多數係炸魚柳，從來唔知道原來攞黎做魚生個魚油香味咁重，加上師傅有用火槍燒一燒銀雪魚表層，令到銀雪魚嘅魚油香味更加出。
講到北海道嘅食材又點少得北海道馬糞海膽，海膽壽司要再到好食嘅話，海膽一定要夠凍夠鮮夠甜，今次呢一個海膽壽司完全冇得彈，攞足十分，可惜份量有啲少，不過以300蚊嘅omakase黎講師傅已經冇乜點賺錢咁制，所以以呢一個份量黎講，絕對值得嘉許。
黎到尾二嘅壽司，為大家介紹呢一個甜蝦，甜蝦嘅鮮甜本身就已經非常好食，師傅今次再係甜蝦身上搽上蝦膏醬，放落口又好大嘅層次感，首先係蝦膏醬嘅香味，之後咬落去甜蝦嘅甜味再覆蓋哂成個口腔。
最後為大家奉上嘅就係右口魚壽司 - 師傅將右口魚用火槍炙燒到有些少燶嘅狀態，令到右口魚嘅油香非常出眾。
咁最後補返，其實今次係叫左13貫，但係由於食評只可以放12張相，所以個人選擇左最出色嘅12道菜色嘅相片放係度，冇放出黎嗰道菜色叫天使蝦壽司配三文魚子，其實呢道菜色都好好味，但係個人認為同出面嘅玻璃蝦差唔多，所以比較之下冇咁高評價。咁頭盤就有沙律菜，黑松露茶碗蒸，醬油牛蒡同埋冰頭漬 - 三文魚鼻軟骨，個人認為呢一個冰頭漬係非常之好味，由於呢一個部位比較少人知道同食，所以比我嘅驚喜都非常大。食完所有壽司之後仲有味噌湯同抹茶豆腐布甸配黑豆。
題外話/補充資料：
題外話，今次嘅師傅叫阿培，為人非常親切，非常之啱傾，佢之前學左六年藝，omakase師傅就做左三年。總括而言，$300蚊食呢一set omakase係非常滿意，同之前食過嘅鮨文有得比較。但係由於兩次食材都唔同，所以個人認為兩間都係抵死，但係相比之下，鮨文嘅環境係舒適廣闊一啲。
(以上食評乃用戶個人意見 , 並不代表OpenRice之觀點。)
張貼
