新沙洞澡堂 (已結業)

之前有朋友介紹過呢間韓式cafe經開就試下佢啦。呢間韓式料理好有趣係用澡堂做主題，仲係狗狗friendly嘅餐廳。韓式拌飯($74)半份甜辣炸雞 ($88)炸甜薯拉絲芝士條($58)凍美式咖啡($36)檸檬柚子梳打 ($48)韓式拌飯同炸雞嘅份量都算幾多，食物偏甜。韓式拌飯本身以為唔包蛋，所以加多左一隻，但味道冇非常突出。至於甜辣雞同我哋想像中嘅有啲出入，味道偏甜，冇乜辣味，但係都唔算好差，只不過同想像唔同。最出色嘅都係炸甜薯拉絲芝士條，炸得啱啱好，入面既番薯甜甜地解左芝士既肥膩感覺，外脆內軟，邪惡滿分！