海饌 - 海鮮牛扒餐廳 (Fashion Walk) (已結業)

海饌 - 寫意西餐廳今日黎到銅鑼灣一間西餐廳，位於fashion walk既食街，設有室外的位置，配合環境和裝飾，給人十分寫意感覺。餐廳主打海鮮同牛扒，更加提供多國特色菜。烤雞肉牛油果藜麥沙律碗 $110忌廉感軟腍嘅牛油果加上嫩滑嘅雞肉還有爽脆嘅沙律菜，仲有健康有口感嘅藜麥，超級開胃嘅沙律碗。脆炸蘇格蘭蛋配風腸及蒜蓉蛋黃醬 $105非常有特色嘅小食，香脆嘅外層包着鹹香嘅風腸，中間係半流心嘅雞蛋，配上蒜蓉蛋黃醬更加滋味。香蔥魚子醬炸馬介休卷 $120鮮味嘅魚子醬加上香口嘅炸皮、內裏口感綿綿嘅薯蓉加上鱈魚，雙重鮮味嘅小食。法芥醬忌廉燴黃油春雞配中東烤餅 $280 到咗主菜喇，油香滿滿嘅黃油春雞加上香濃濃郁嘅法芥醬，感覺就好似葡汁一樣，雞肉超滑，醬汁配上烤餅，可以沾滿醬汁嘅精華。