丸十日本食堂 (已結業)

喺葵涌廣場行街，行到好攰，雖然有好多嘢食，但係就冇得坐，而且又嘈又難傾計。所以我哋就決定行去新都會廣場，下午茶嘅時間同朋友過咗去傾計，環境好好，座位夠晒闊，而且傾計幾大聲都好，都唔會嘈住隔離，同樣都唔會聽到其他人傾計，當然下午茶嘅時間人都比較少。我同朋友叫左甜品，就坐咗兩個鐘，傾得好開心好舒服！呢個芭菲好好食，我最鍾意食綠茶味，唔會太甜！ 餐廳嘅服務唔錯，因為我朋友諗咗好耐都未嗌甜品，所以坐左一段時間先至落單，但係待應冇催促。