4
1
0
等級8
2020-07-16 1881 瀏覽
好耐無兩公婆出嚟睇戲喇,早陣子疫情緩和咗,就打算支持吓電影業;二來有啲戲真喺值得入戲院睇,畫面、音響都好過晌電視或電腦睇,所以,今次就專登過咗嚟青衣城嘅UA睇「福島50死士」,啲逼真感好強,真喺好似發生晌眼前咁,原來,福島核事故無釀成全日本出事都喺有啲「附碌」。睇完戲就梗要搵地方食晏,「Crostini Bakery & Cafe」喺心水之一。餐廳地方唔大,主要喺供應外帶咖啡、麵包,裡面有少少位。有諗過無位嘅話,就會轉場,幸而剛好最入位置嘅高腳枱無人,讓我倆可於靜靜一角用餐。睇餐廳名,就知主要都喺賣啲烘焙產品及咖啡,先介紹門面嘅蛋糕櫃,放滿各式各樣精緻嘅蛋糕,琳瑯滿目,標價範圍為$36-$52。亦有大個裝蛋糕,定價為$278-$338。再走入少少,即服務櫃枱旁,就喺麵包櫃,主要都喺歐陸式麵包,着實唔平,一般而言,大概$20左右一個。晌服務櫃枱另一旁,仲有個凍櫃,原來佢哋都有賣手工朱古力喎。此外,唔止烘焙產品,晌挨牆一邊嘅層架,仲見到好多曲奇、咖啡粉、咖啡相關產品售賣,可以講店家嘅產品都幾多元化。除了散點各類食物之外,佢哋仲有提供幾款套餐,全日供應。包括Super Bao($75)、Pi
更多
好耐無兩公婆出嚟睇戲喇,早陣子疫情緩和咗,就打算支持吓電影業;二來有啲戲真喺值得入戲院睇,畫面、音響都好過晌電視或電腦睇,所以,今次就專登過咗嚟青衣城嘅UA睇「福島50死士」,啲逼真感好強
,真喺好似發生晌眼前咁,原來,福島核事故無釀成全日本出事都喺有啲「附碌」。睇完戲就梗要搵地方食晏,「Crostini Bakery & Cafe」喺心水之一。
4 瀏覽
0 讚好
0 留言
餐廳地方唔大,主要喺供應外帶咖啡、麵包,裡面有少少位。有諗過無位嘅話,就會轉場,幸而剛好最入位置嘅高腳枱無人,讓我倆可於靜靜一角用餐
2 瀏覽
0 讚好
0 留言
1 瀏覽
0 讚好
0 留言
睇餐廳名,就知主要都喺賣啲烘焙產品及咖啡,先介紹門面嘅蛋糕櫃,放滿各式各樣精緻嘅蛋糕,琳瑯滿目,標價範圍為$36-$52。亦有大個裝蛋糕,定價為$278-$338。
7 瀏覽
0 讚好
0 留言
再走入少少,即服務櫃枱旁,就喺麵包櫃,主要都喺歐陸式麵包,着實唔平,一般而言,大概$20左右一個。
3 瀏覽
0 讚好
0 留言
晌服務櫃枱另一旁,仲有個凍櫃,原來佢哋都有賣手工朱古力喎。
1 瀏覽
0 讚好
0 留言
此外,唔止烘焙產品,晌挨牆一邊嘅層架,仲見到好多曲奇、咖啡粉、咖啡相關產品售賣,可以講店家嘅產品都幾多元化
1 瀏覽
0 讚好
0 留言
除了散點各類食物之外,佢哋仲有提供幾款套餐,全日供應。包括Super Bao($75)、Pizza Set($89)、Salad Set($68 / $78),相信地方、人手所限,選擇亦唔算好多,不過,叫啱我哋口味。
3 瀏覽
0 讚好
0 留言
以上套餐都會奉送標準熱飲,何謂標準熱飲?就喺下面張飲品餐牌中,所有標準裝嘅咖啡及各款熱荼。
2 瀏覽
0 讚好
0 留言
黑椒豬脾芝士麥包 $75

咪睇豬脾兩個字就雙眼發晒光,以為喺咩手撕豬脾肉之類,其實都只喺火腿嘅一種,配以車打芝士、大量沙律菜而己。食起嚟,感覺都幾清新,而配上較特色嘅麥包,烘得香脆,更感有麥香。
黑椒豬脾芝士麥包
0 瀏覽
0 讚好
0 留言
黑椒豬脾芝士麥包
0 瀏覽
0 讚好
0 留言
所有三文治餐都會配薯角,但店員解釋,個焗爐出咗啲問題,所以,薯角另上,當然,比起餐牌張食物相嘅賣相就相差好遠。此外,佢哋嘅薯角唔喺炸嘅,喺焗嘅,感覺無咁「熱氣」,但香脆度就較炸嘅稍為遜色
黑椒豬脾芝士麥包
0 瀏覽
0 讚好
0 留言
輕型三文魚薄餅 $89

雖然,餐牌都會寫明個薄餅餡料有三文魚、三色芝士碎、車厘茄、黑水欖、火箭菜,配以蜜糖芥末醬,不過,三文魚及火箭菜都喺焗好個批先後加上面,令感覺未為一體,啲火箭菜更好易跌到一枱都喺。
輕型三文魚薄餅
0 瀏覽
0 讚好
0 留言
佢哋嘅簿餅有8吋直徑大,雖然採用半厚薄批底,但莫講話一個女生,男生都未必食得晒呀!其實,個批底我都覺得OK,三文魚鹹鹹香香,火箭菜帶點清爽,平衡番。
輕型三文魚薄餅
0 瀏覽
0 讚好
0 留言
玫瑰咖啡

見到有客人嘅杯喺瓦杯,以為堂食就會用上瓦杯,但送到嚟喺隻紙杯,感覺當然差少少啦,再者,鮮奶咖啡無咗拉花,咁就梗喺失望啲啦。賣相方面,無疑拉低晒啲分,幸而鮮奶咖啡本身都唔錯,口感平均、醇香,當中嘅玫瑰花香味亦頗突出,當然,呢個部份都喺玫瑰糖漿嘅功勞。
玫瑰咖啡
1 瀏覽
0 讚好
0 留言
香橙玉桂茶

老婆就見呢款茶幾特別,就點嚟試試,基本上,都只喺一個茶包泡出嚟嘅貨色,散點要$39杯,都真喺幾唔划算。茶色偏淡,入口帶幽幽嘅玉桂香,但老實講,香橙嘅香氣就真喺欠奉。
香橙玉桂茶
0 瀏覽
0 讚好
0 留言
上文都講過,佢哋都有唔少麵包賣,廿蚊左右一個,感覺就有點點偏貴,但晌門口已見佢楝咗個推廣,買任何麵包,+$1多一個嘅優惠
0 瀏覽
0 讚好
0 留言
所以,我哋就索性買兩個返去當第二朝早餐,其實,就算近$10一個包都唔叫得平,但抵唔抵食就要睇埋啲質素。
0 瀏覽
0 讚好
0 留言
蘑菇薯蓉包 $20

再烘番熱啲麵包,感覺新鮮度依然。先介紹呢一個蘑菇薯蓉包,重點喺中間嘅蘑菇薯蓉,其實唔好睇表面以為好多,實際好淺吓,雖然啲薯蓉打得好滑,但蘑菇部份唔喺佔好多。而包身屬歐陸式,咬落比較有軔勁。
蘑菇薯蓉包
$20
0 瀏覽
0 讚好
0 留言
芒果百爵茶合桃包 $20

另一款既有芒果,又有合桃,加上百爵茶,絕對喺小弟嘅心水食材組合,可惜,真喺跟期望有頗大落差。芒果、合桃本身晌包內就唔太多,而表面嘅斜紋餡料就喺百爵茶所做,但茶味隱若,故此,未有預期般好食。
芒果百爵茶合桃包
$20
0 瀏覽
0 讚好
0 留言
無論堂食、抑或外帶,整體而言,個人俾分都只屬中間稍高少少。題外話,由於當日店家嘅焗爐出問題,我哋嘅薄餅真喺等咗好耐,雖然店員已好禮貌再三致歉,幸而我哋又唔趕時間,不過,如客人落單前先講聲狀況,會喺較好啲嘅處理手法。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$82 (午餐)