4
1
0
所有分店 (17)
電話號碼
24361868
營業時間
今日營業
08:00 - 22:00
星期一至五
08:00 - 22:00
星期六至日
10:00 - 22:00
公眾假期
10:00 - 22:00
付款方式
Visa Master 現金 八達通 銀聯 Apple Pay
食評 (5)
等級8 2020-07-16
1881 瀏覽
好耐無兩公婆出嚟睇戲喇,早陣子疫情緩和咗,就打算支持吓電影業;二來有啲戲真喺值得入戲院睇,畫面、音響都好過晌電視或電腦睇,所以,今次就專登過咗嚟青衣城嘅UA睇「福島50死士」,啲逼真感好強,真喺好似發生晌眼前咁,原來,福島核事故無釀成全日本出事都喺有啲「附碌」。睇完戲就梗要搵地方食晏,「Crostini Bakery & Cafe」喺心水之一。餐廳地方唔大,主要喺供應外帶咖啡、麵包,裡面有少少位。有諗過無位嘅話,就會轉場,幸而剛好最入位置嘅高腳枱無人,讓我倆可於靜靜一角用餐。睇餐廳名,就知主要都喺賣啲烘焙產品及咖啡,先介紹門面嘅蛋糕櫃,放滿各式各樣精緻嘅蛋糕,琳瑯滿目,標價範圍為$36-$52。亦有大個裝蛋糕,定價為$278-$338。再走入少少,即服務櫃枱旁,就喺麵包櫃,主要都喺歐陸式麵包,着實唔平,一般而言,大概$20左右一個。晌服務櫃枱另一旁,仲有個凍櫃,原來佢哋都有賣手工朱古力喎。此外,唔止烘焙產品,晌挨牆一邊嘅層架,仲見到好多曲奇、咖啡粉、咖啡相關產品售賣,可以講店家嘅產品都幾多元化。除了散點各類食物之外,佢哋仲有提供幾款套餐,全日供應。包括Super Bao($75)、Pizza Set($89)、Salad Set($68 / $78),相信地方、人手所限,選擇亦唔算好多,不過,叫啱我哋口味。以上套餐都會奉送標準熱飲,何謂標準熱飲?就喺下面張飲品餐牌中,所有標準裝嘅咖啡及各款熱荼。黑椒豬脾芝士麥包 $75咪睇豬脾兩個字就雙眼發晒光,以為喺咩手撕豬脾肉之類,其實都只喺火腿嘅一種,配以車打芝士、大量沙律菜而己。食起嚟,感覺都幾清新,而配上較特色嘅麥包,烘得香脆,更感有麥香。所有三文治餐都會配薯角,但店員解釋,個焗爐出咗啲問題,所以,薯角另上,當然,比起餐牌張食物相嘅賣相就相差好遠。此外,佢哋嘅薯角唔喺炸嘅,喺焗嘅,感覺無咁「熱氣」,但香脆度就較炸嘅稍為遜色。輕型三文魚薄餅 $89雖然,餐牌都會寫明個薄餅餡料有三文魚、三色芝士碎、車厘茄、黑水欖、火箭菜,配以蜜糖芥末醬,不過,三文魚及火箭菜都喺焗好個批先後加上面,令感覺未為一體,啲火箭菜更好易跌到一枱都喺。佢哋嘅簿餅有8吋直徑大,雖然採用半厚薄批底,但莫講話一個女生,男生都未必食得晒呀!其實,個批底我都覺得OK,三文魚鹹鹹香香,火箭菜帶點清爽,平衡番。玫瑰咖啡見到有客人嘅杯喺瓦杯,以為堂食就會用上瓦杯,但送到嚟喺隻紙杯,感覺當然差少少啦,再者,鮮奶咖啡無咗拉花,咁就梗喺失望啲啦。賣相方面,無疑拉低晒啲分,幸而鮮奶咖啡本身都唔錯,口感平均、醇香,當中嘅玫瑰花香味亦頗突出,當然,呢個部份都喺玫瑰糖漿嘅功勞。香橙玉桂茶老婆就見呢款茶幾特別,就點嚟試試,基本上,都只喺一個茶包泡出嚟嘅貨色,散點要$39杯,都真喺幾唔划算。茶色偏淡,入口帶幽幽嘅玉桂香,但老實講,香橙嘅香氣就真喺欠奉。上文都講過,佢哋都有唔少麵包賣,廿蚊左右一個,感覺就有點點偏貴,但晌門口已見佢楝咗個推廣,買任何麵包,+$1多一個嘅優惠。所以,我哋就索性買兩個返去當第二朝早餐,其實,就算近$10一個包都唔叫得平,但抵唔抵食就要睇埋啲質素。蘑菇薯蓉包 $20再烘番熱啲麵包,感覺新鮮度依然。先介紹呢一個蘑菇薯蓉包,重點喺中間嘅蘑菇薯蓉,其實唔好睇表面以為好多,實際好淺吓,雖然啲薯蓉打得好滑,但蘑菇部份唔喺佔好多。而包身屬歐陸式,咬落比較有軔勁。芒果百爵茶合桃包 $20另一款既有芒果,又有合桃,加上百爵茶,絕對喺小弟嘅心水食材組合,可惜,真喺跟期望有頗大落差。芒果、合桃本身晌包內就唔太多,而表面嘅斜紋餡料就喺百爵茶所做,但茶味隱若,故此,未有預期般好食。無論堂食、抑或外帶,整體而言,個人俾分都只屬中間稍高少少。題外話,由於當日店家嘅焗爐出問題,我哋嘅薄餅真喺等咗好耐,雖然店員已好禮貌再三致歉,幸而我哋又唔趕時間,不過,如客人落單前先講聲狀況,會喺較好啲嘅處理手法。 繼續閱讀
等級4 2020-05-21
147 瀏覽
喺青衣城悶悶地,又行耐左,想搵個位坐下休息下又唔知去邊好,去starbucks 又好似太多人喺度溫書做project 咁,所以就㨂左黎呢間cafe, crostini, 黎休息下,渡過美好的下午,店的位置雖不算大,但坐得幾舒服(如果你有位的話)。同朋友一人order 左一杯coffee, 我order 左cappuchinno, 而朋友就order 左latte😹拉花都幾靚幾得意丫,咖啡味尚算唔錯,環境夠清靜。推介! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-10
135 瀏覽
同朋友喺青衣城行行吓想搵個地方休息所以就去咗Crostini啦🇫🇷入去之前見到最近做緊promotion🤩飲品同埋麵包都加一蚊就送多一個❗️蘋果批甜度適中,香脆可口,值得一試 🥧👍🏻蘑菇薯仔包十分足料~ 重點係個包大過我塊面,食完唔使食晚飯了😂飲品方面分別叫咗cappuccino同海鹽朱古力兩樣都整得好好飲,我就唔特別多講啦~最後承惠$54🤓喺香港呢個價位食到咁高質嘅法式食物簡直物超所值👏🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-08
498 瀏覽
青衣城的crostini搬了,不過搬了就在離之前不遠的位置。這天較悠閒經過,所以走進店內買了個muffin試試看。本身只是想買個muffin take away, 店員細心的問要不要替我焗熱?帶走還是店內吃,再望一望原來店內較入的位置原來都有不少雅座,既然如此,我就乾脆店內吃好了。店內除了櫥窗放的糕餅外,內裡還有不少麵包和餅乾之類的。店員好細心同我講,請我稍等1-2分鐘就得!接過我的朱古力muffin,還熱哄哄的呢,面頭還有些fruit nuts,不錯呢! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-14
516 瀏覽
教完早堂,去下青衣城商場,找間cafe嘆番杯先嘩……地方幾靚,見無咩人又有我想食嘅,坐下先1。先叫左自己想食咩付錢2。有個牌比你,響左自己去取3。有工具位,自己取用具及水叫左杯Rose Latte:😳嘩,Regular size都已經好大杯,重好有heart拉左隻靚靚天鵝比我,一飲就飲到玫瑰味唔太甜都夠熱😏最正係我最愛嘅《肉桂條》嘩。。一咬落脆架,肉桂味有夠香唔太甜,食得我好開心🤗二樣嘢都係$48炸平時星星克一杯咖啡都要$38,依到食物飲品質素又好又唔貴,不錯 繼續閱讀
(以上食評乃用戶個人意見 , 並不代表OpenRice之觀點。)