影片
更多
2020-12-24
1519 瀏覽
今次介紹既係我覺得全香港最好食既沾麵，雖然沾麵同拉麵都係好講個人口味，但唔止我一個、身邊嘅朋友都覺得佢係香港第一名，總店喺元朗之後喺西環開咗間分店，老闆砂田先生基本上長駐元朗店，聽講有佢喺度啲麵會煮得好食啲。-排隊🧍🧍♀️🧍♂️餐廳有落場時間，晚市official係6-9，但店舖會提早折龍，8點去到排隊可能已經食唔到(試過兩次)，晚市出邊大概會有十人排隊，六日一開鋪就入去食，食完大概十二點入面都未full。-環境🪑店鋪偏細，只有bar枱，都係向住廚師，只有11-12個位，上菜速度算快，落單後5-10分鐘就煮好沾麵。-Menu店鋪提供三種嘅沾麵湯，豚骨、黑蒜油、 蝦味噌湯，當中以蝦味噌湯最多人嗌，亦都係招牌。而麵底有得揀小麥麵、黑胡椒麵同埋當日special麵，speical麵有伯爵茶、咖啡、菠菜、川椒，完全係睇店主嘅心情。-🍜 蝦味噌湯沾麵 💰93（👅: 9.5/10）先入眼簾既係有彩字眼同logo既紫菜，令人一睇就知係彩既出品。首先香港既沾麵，以蝦作為湯係唔多，大部份以豬骨魚介、雞湯為主，而香港有既蝦沾麵多為櫻花蝦沾麵(屯門既東京築地拉麵、尖沙咀既鶴亀 )，長沙灣既海老名沾麵主打蝦醬
今次介紹既係我覺得全香港最好食既沾麵，雖然沾麵同拉麵都係好講個人口味，但唔止我一個、身邊嘅朋友都覺得佢係香港第一名，總店喺元朗之後喺西環開咗間分店，老闆砂田先生基本上長駐元朗店，聽講有佢喺度啲麵會煮得好食啲。
-
排隊🧍🧍♀️🧍♂️
餐廳有落場時間，晚市official係6-9，但店舖會提早折龍，8點去到排隊可能已經食唔到(試過兩次)，晚市出邊大概會有十人排隊，六日一開鋪就入去食，食完大概十二點入面都未full。
-
環境🪑
店鋪偏細，只有bar枱，都係向住廚師，只有11-12個位，上菜速度算快，落單後5-10分鐘就煮好沾麵。
-
Menu
店鋪提供三種嘅沾麵湯，豚骨、黑蒜油、 蝦味噌湯，當中以蝦味噌湯最多人嗌，亦都係招牌。而麵底有得揀小麥麵、黑胡椒麵同埋當日special麵，speical麵有伯爵茶、咖啡、菠菜、川椒，完全係睇店主嘅心情。
-
🍜 蝦味噌湯沾麵 💰93（👅: 9.5/10）
蝦味噌湯沾麵
$93
47 瀏覽
2 讚好
0 留言
先入眼簾既係有彩字眼同logo既紫菜，令人一睇就知係彩既出品。
首先香港既沾麵，以蝦作為湯係唔多，大部份以豬骨魚介、雞湯為主，而香港有既蝦沾麵多為櫻花蝦沾麵(屯門既東京築地拉麵、尖沙咀既鶴亀 )，長沙灣既海老名沾麵主打蝦醬油湯等，而蝦加味噌呢個組合得彩先有。
食嘅方法我習慣會試一試麵本身嘅質地同味道，先再將少少麵擺落個個湯食，食完面麵有湯剩可以加熱湯去認真品嚐個湯嘅味道。
-
彩既蝦味噌湯深啡色，睇落非常濃稠，其實食落質地唔算濃又唔算竭，反而有少少似拉麵嘅湯，味道偏重但係可以接受嘅味道，唔會話太油膩，蝦同味噌嘅味道好夾，蝦嘅鮮味好重，但食落又唔會覺得味精重好口渴，感覺係真材實料龍蝦頭去煲，但個湯又唔會有醒味。
-
講完個湯就講我覺得第二重要既麵。彩嘅麵係自家製，喺香港要食好嘅麵一定要自家製而唔係入貨，店舖有一部老爺機，用咗20年都係用距離製麵，務求每日都將新鮮嘅麵比客人品嘗。店主將三種小麥粉攪勻，加入雞蛋同鹼水搞成麵糰，將麵糰放入器具，研成塊狀，壓縮三次後再捲好，1小時後切麵就大功告成，整麵會受唔同季節同濕度影響，調整水份。
蝦味噌湯沾麵
$93
45 瀏覽
2 讚好
0 留言
麵既份量大概係200g，係正常人份量。面嘅溫度算係暖，唔係傳統嘅熱湯冷麵，少咗平時冰火交融嘅口感。麵條係麥麵，係比較幼身嘅面，識落質感算係煙韌有彈性，質感有少少似意粉同蕎麥麵中間，有少少小麥粉嘅香味，唔會話比個湯搶走啲麥香味，掛湯就一般，未到真係好配合到個湯，但呢個質素嘅麵已經勝過好多香港既沾麵。
蝦味噌湯沾麵
$93
66 瀏覽
2 讚好
0 留言
-
配料有兩塊厚身既叉燒、筍絲、葱花、大葱絲、柚子絲同埋一隻醬油流心蛋。
比起一般拉麵鋪好多人用脂肪較多嘅腩肉，叉燒係用脂肪比較少嘅西班牙梅頭豬肉，以特製醬汁慢煮，分量大塊有厚度，肉既側邊脂肪，小小既肥脂為塊叉燒帶來口感，肉質地唔算柔軟，嫩滑得黎有少少嚼勁，無特別調味，但係香港有食過更好食嘅叉燒，無論肉質同調味方面。
筍絲入味，唔會有渣，係合格以上既質數。
醬油流心蛋質感算軟滑有彈性，流心嗰方面做得唔錯，呈少少啫喱狀。
-
🌟因為香港嘅蝦沾麵唔多，好多都比較平平無奇，但彩無論係湯同埋喺麵都做得特別出色，令到佢唔止係香港第一嘅蝦沾麵，而且更加勝過香港其他豬骨湯、雞湯嘅沾麵，香港嘅沾麵種類太多，湯有稀有竭有重味有淡，唔係個個都可以接受到，但彩就做到令大眾都接受到嘅湯同麵，絕對值得山長水遠嚟一試。
-
👅味道: 9.5/10
🍴環境: 6/10
💰消費: $93 (服務費: NA)
張貼
