北海丼 (已結業)

臨近聖誕節總會有好多飯局聚會，每次朋友間傾起食邊間餐廳已經係一個難題，但每每傾到最後大多數都會同意揀日本餐廳。今次朋友揀了這間日本餐廳除了食物質素唔錯之外，餐廳環境亦非常有心思，室內設計時尚簡約，更以日本檜木原色為主調，令到環境更加自然。就算一碗一碟都是全人手繪製獨一無二，所有紋理亦與牆壁圖案環環相扣。鴛鴦丼烏冬套餐套餐包括迷你丼、烏冬、前菜小食以及味噌湯。其實呢個套餐$168真係好抵，特別太古呢個地方咁嘅質素真係好少見到。豬骨湯烏冬、吉列黑豚扒餐廳採用稻庭烏冬，麵質纖細，食時麵質相當滑溜，全身即時暖哂。加埋吉列黑豚扒一齊食更恰到好處，真係有一種滿足嘅感覺。個人就超鍾意佢個蒲燒鰻魚丼，因為佢個鰻魚真係好肥美，就算望一望已經流哂口水，諗番呢個套餐真係好抵食。洋風三文魚簿切，三文魚魚質新鮮加上洋風輕甜嘅柚子調味醬，令味道更為清新。最後更叫了炸芝士年糕，呢個真係推介小食，因為炸芝士年糕外脆內軟，而且內裡更有芝心效果，芝士控嘅朋友真係唔好錯過。