반찬앤쿡 Banchan and Cook (時代廣場) (已結業)

menu係做得幾靚嘅~ 好有文青風格。見要等位，應該值得一試。咁我哋叫咗兩個set。Main dish :鰻魚蛋包飯 - 蛋滑但唔香，飯有色無味，鰻魚煎得唔夠火候，有少少腥味...炆牛肋骨 - 肉食落去好老，無肉汁，亦無牛肉香味。小食：炸雞薯條 - 炸雞好似港式茶記用薄薄既炸粉炸出嚟咁，完全冇韓國炸雞嘅風格。飲品：土多啤梨特飲，綠茶咖啡 - 唔想形容... 只可以話我寧願飲杯檸茶...甜品：舊卷蛋... 普通到唔知講咩好...所有野都只可以用唔難食黎形容...真係唔知點解會有咁多正評？？？呢間野絶對係 #不需回頭系列食完咁就search下呢間嘢under邊一個飲食集團啦~ 點知原來係富臨旗下嘅...唔怪得佢d野食有莫名既舊式茶記風格。其實本身以食物質素同味道未至於負評，但一睇埋佢個價位就真係俾唔落正評或一般...埋單$374,咁即係接近$190人均消費。$190黎講，就真係唔值囉... 食物唔得，飲品唔得，小食唔得，服務態度普通，裝修無咩特別，景觀欠奉。普通到一個點... 如果你咁好心機睇到呢段，我真心建議你考慮食第二間。