富寶會所私房菜

營業中

休息中

臨近12月特別多聚會，今次嚟到九龍城呢間私房菜——富寶會所私房菜嚟食好西，順便同親戚聚一聚😆 上湯焗龍蝦好出色，首先龍蝦非常之彈牙，而且好厚肉，口感好豐富，而且上湯鹹鹹香香，更加大到龍蝦嘅鮮味，超正🤩 椒鹽瀨尿蝦更加係冇得彈，本身就鍾意食賴尿蝦嘅我，呢隻瀨尿蝦處理得好好，好大隻，勁多肉，食到舔舔脷，有啲仲係紅心嘅添🤤加埋啲超鹽更加香口，食到我一隻接一隻，停唔到口😚 豉汁蒸蟠龍鱔都好有驚喜，本身我都唔太好食魚，但係呢個鱔係好唔錯，首先魚肉好鮮，而且唔算多骨，豉汁又帶到魚肉嘅鮮味，都好好味🧡 今日去餐廳超級滿座，但係耐啲都值得等，因為啲食物超正，而且啲員工都好friendly 😍