宮崎日式燒肉店 (已結業)

朋友話想食烤肉，就book左宮崎，6點準時入場，一落樓梯見到d裝飾同氛圍都不錯，入坐率未算高(可能太早)，廢話唔講入坐。一坐底，店員就拿左8款肉俾我地，4豬4雞不同口味，有芝麻醬有蒜容，精緻又貼心。囉張野食紙畫，有刺身有壽司，雞翼都有3款選，幾多樣化，等緊野食來個陣就燒住個8款肉先，一分一秒都唔放過，d雞肉好嫩口，d調味料滲哂入去，好食。相反d豬就普通左d，食落差唔多，而且佢卷埋一起為了令d，燒個陣就困難左。 不消10分鐘野食到哂，燒一燒d刺身、牛肉粒先，我就唔食三文魚既， 但見到友人食得都幾滋味，不過不失，而d牛肉粒就一般，可能燒得唔好，有點乾乾地。 再燒下d帆立貝、雞翼，帆立貝就細粒左d，燒完個size細過5毫子，但d雞翼就 誇啦啦，好入味而且掩得好足料，美中不足是店員睇錯數，點4隻雞翼變14隻，食唔哂。 之後佢送上憤怒牛同純情豬，上卓個陣用乾冰，有視覺的沖激，又令肉質新鮮，一石二鳥。可惜當日冇大蝦供應，友人特別推介要嘗嘗，可惜冇緣，有機會會再試。