影片
更多
2014-03-09
4700 瀏覽
團購見到＄138六道菜好抵，又未試過喺香港食俄羅斯菜，好奇會係點既呢。成間餐廳暗暗地，加埋D裝修擺設，好有氣氛。友人話佢D櫈好特別，每一張椅背都有個心形既窿，唔講真係留意唔到，好得意。第一道係三文魚子醬，可以揀兩款appetizer（有幾款沙律，pork cold cuts同herrings），湯（辣肉片湯，魚湯，菜湯），之後有mains（最出名係牛脷，有兔肉，蘋果鴨胸，豬肉餅，牛肩，魚柳）同dessert（雪糕，士多啤梨薄餅，蘋果撻）。先上湯，我既辣肉片湯味道有點似羅宋湯，好多肉，普通。友人既魚湯話好有魚味唔錯，但菜湯麻麻，望落只係好清既水漫住D菜咁。三文魚子醬厚來只係一個卷，同沙律一齊上。食唔到魚子醬，似係塊crepe卷住沙律多D。我好似揀左Russian mixed salad，同港式茶餐廳既沙律冇乜分別。herrings唔錯 不過怕腥就未必啱啦。跟住就係main啦。鴨胸同平時食開個D有D唔同，嚡D但冇咁咸。唔怪得牛脷係招牌菜，真係幾好食，又炆得夠腍。牛肩用鐵鍋上，重滾熱辣。份量都幾多，配kidney beans好健康。味道還可以啦，有幾舊好腍幾好食，有D就又嚡又韌。少少羶但可以
成間餐廳暗暗地，加埋D裝修擺設，好有氣氛。友人話佢D櫈好特別，每一張椅背都有個心形既窿，唔講真係留意唔到，好得意。
第一道係三文魚子醬，可以揀兩款appetizer（有幾款沙律，pork cold cuts同herrings），湯（辣肉片湯，魚湯，菜湯），之後有mains（最出名係牛脷，有兔肉，蘋果鴨胸，豬肉餅，牛肩，魚柳）同dessert（雪糕，士多啤梨薄餅，蘋果撻）。
先上湯，我既辣肉片湯味道有點似羅宋湯，好多肉，普通。友人既魚湯話好有魚味唔錯，但菜湯麻麻，望落只係好清既水漫住D菜咁。
三文魚子醬厚來只係一個卷，同沙律一齊上。食唔到魚子醬，似係塊crepe卷住沙律多D。我好似揀左Russian mixed salad，同港式茶餐廳既沙律冇乜分別。herrings唔錯 不過怕腥就未必啱啦。跟住就係main啦。鴨胸同平時食開個D有D唔同，嚡D但冇咁咸。唔怪得牛脷係招牌菜，真係幾好食，又炆得夠腍。牛肩用鐵鍋上，重滾熱辣。份量都幾多，配kidney beans好健康。味道還可以啦，有幾舊好腍幾好食，有D就又嚡又韌。少少羶但可以接受。
士多啤梨薄餅就係crepe包住strawberry jam加朱古力醬。冇乜特別，又唔會話唔好食，但我天真地以為會有新鮮既士多啤梨。蘋果撻似係蛋糕中間有D蘋果，蛋糕好硬好乾身。
服務唔錯，有個叔叔係咁同人傾計，可能係老細。加埋周圍氣氛，好有家庭感覺。食物質素唔算差，但絕對普通。
張貼
