影片
更多
2025-04-20
237 瀏覽
📍呢間最正係有3-4款SET可以揀，由2-4人份量都有得揀，仲可以自由組合主菜！我哋今次試咗2人SET，試試佢～•🦀我地為咗醬油蟹而來睇OpenRice見到佢哋嘅醬油生蟹好吸引，果然冇令我失望！仲發現佢哋有個特別服務，唔要湯可以加錢轉打邊爐，下次一定要試吓！🍲海鮮嫩豆腐鍋｜暖笠笠超正韓式風味十足，辣中帶甜,材料有青口、蜆肉好新鮮，豆腐滑到震！特別讚佢係有個小火爐keep住溫度，打卡完都仲係熱辣辣。湯清得嚟夠鮮味，唔會死鹹。•🍗主菜組合｜出色香烤雞肉 火候啱啱好，肉質超嫩, 配洋蔥香菇好夾同樣有小火爐keep住溫度佢比左芝士粉+芝麻醬嘅新派食法，化學作用好驚喜！•醬油生蟹（+200）醃得入味得嚟唔會太鹹, 蟹肉鮮甜滑溜, 真心話加200有咁高質素，絕對係全港數一數二！•🥟泡菜餅（+$110）｜朋友激讚外脆內煙韌, 泡菜份量十足, 朋友評語：全港最好食嘅泡菜餅！飲品｜清爽之選• 柚子汽水：甜度適中• 檸檬汽水：更清爽嘅選擇（每杯$40，合理價）•🥗12款前菜｜誠意滿分有齊泡菜、薯仔、卷旦、芽菜、豆腐、白菜仔、茄子、翠玉瓜、醃蓮藕、紫菜、菠菜等等等樣樣齊, 最特別有明太子新鮮爽口，仲要款款都
呢間最正係有3-4款SET可以揀，由2-4人份量都有得揀，仲可以自由組合主菜！我哋今次試咗2人SET，試試佢～
•🦀我地為咗醬油蟹而來
睇OpenRice見到佢哋嘅醬油生蟹好吸引，果然冇令我失望！仲發現佢哋有個特別服務，唔要湯可以加錢轉打邊爐，下次一定要試吓！
🍲海鮮嫩豆腐鍋｜暖笠笠超正
韓式風味十足，辣中帶甜,材料有青口、蜆肉好新鮮，豆腐滑到震！
特別讚佢係有個小火爐keep住溫度，打卡完都仲係熱辣辣。湯清得嚟夠鮮味，唔會死鹹。
•🍗主菜組合｜出色
香烤雞肉
火候啱啱好，肉質超嫩, 配洋蔥香菇好夾同樣有小火爐keep住溫度
佢比左芝士粉+芝麻醬嘅新派食法，化學作用好驚喜！
•醬油生蟹（+200）
醃得入味得嚟唔會太鹹, 蟹肉鮮甜滑溜, 真心話加200有咁高質素，絕對係全港數一數二！
•🥟泡菜餅（+$110）｜朋友激讚
外脆內煙韌, 泡菜份量十足, 朋友評語：全港最好食嘅泡菜餅！
飲品｜清爽之選
• 柚子汽水：甜度適中
• 檸檬汽水：更清爽嘅選擇
（每杯$40，合理價）
•🥗12款前菜｜誠意滿分
有齊泡菜、薯仔、卷旦、芽菜、豆腐、白菜仔、茄子、翠玉瓜、醃蓮藕、紫菜、菠菜等等等樣樣齊, 最特別有明太子新鮮爽口，仲要款款都精心製作。
•💰性價比
總數$870：
• 湯鍋+2主菜+小食+飲品+12款前菜
• 食材質素高
• 份量剛好夠2人飽住走
•$800幾有咁高質韓餐，仲要樣樣都咁出色，絕對值得encore！👍
張貼
