醬缸韓國料理 (已結業)

人參雞湯 ($78)帝皇式享受 lunch食個人參雞絕對唔係奢華既事，足料釀左糯米既半隻雞上台會有專人剪開，滾燙既奶白湯水帶有雞、人參、紅棗同蔥既香氣，自行加入另上既幼鹽後，引出雞湯既鮮味。輕輕用筷子將雞拆件，骨肉輕易分離，肉質嫩滑。成個湯都好清甜唔油膩，鐘意人參甘苦味既人會嫌唔夠濃，但入面有原塊手指咁長既人參補數。糯米同湯底完美融合為一，就算跟餐冇飯，食完都好滿足。餃子年糕湯 ($58)份量竟然可以用一大盆去形容，同樣奶白色既湯底入面有無限泡菜餃子、切片年糕同雜菜。雖然餃子似係現成貨色，但年糕煙韌入味，配合紫菜碎同湯係好正宗既味道，仲抵食過我個人參雞湯。