影片
更多
2018-05-30
235 瀏覽
呢間位於銅鑼灣開張冇耐既「玖五牛肉麵」，早前睇報導知道係名人何超蓮由台灣引入打理，標榜不添加味精，吸引咗好多人慕名而來。我同朋友今次雖然見唔到何家千金，但係都想一試台灣正宗牛肉麵。餐牌比起一般台灣麵舖多選擇，有紅燒、麻辣同埋蕃茄麵系列，亦可以揀麵身軟硬同埋加辣，小食都算多花款。紅燒招牌三合一麵 ($95)三合一即係包含牛腩、牛筋同牛肚，呢個組合勝在各有口感味道：牛腩唔係平時食開嗰種軟身而係偏向有嚼勁，帶少少筋；牛筋做得夠腍，食落口感似花膠；牛肚爽口入味可能因為唔落味精既關係，湯底唔會太濃，好似都無上一般既花椒八角，食落唔會口乾同「確喉」。麵質煙韌爽滑彈牙，唔會俾湯浸到腍晒。肉燥排骨飯 ($78)豬排係厚切，炸得好香口，可惜肉燥偏咸，感覺醬油味過濃，而且肉燥醬汁份量偏少，難以送哂成碗飯呢。麻辣鴨血 ($32)估唔到呢度會有麻辣鴨血，香港好多台灣舖都搵唔到架味道方面唔算辣但真係會食到嘴唇發麻，鴨血爽滑而且非常入味，好滿意！滷味組合(滷旦、滷素雞)($28)感覺滷味食物都唔太夠滷水味，醬汁味道似醬油蠔油，但滷蛋都尚算入味。 滷味-豬類(滷豬耳、滷豬血糕($38)掛住食唔記得影相豬耳爽脆有嚼口
我同朋友今次雖然見唔到何家千金，但係都想一試台灣正宗牛肉麵。
餐牌比起一般台灣麵舖多選擇，有紅燒、麻辣同埋蕃茄麵系列，亦可以揀麵身軟硬同埋加辣，小食都算多花款。
紅燒招牌三合一麵 ($95)
三合一即係包含牛腩、牛筋同牛肚，呢個組合勝在各有口感味道：牛腩唔係平時食開嗰種軟身而係偏向有嚼勁，帶少少筋；牛筋做得夠腍，食落口感似花膠；牛肚爽口入味
可能因為唔落味精既關係，湯底唔會太濃，好似都無上一般既花椒八角，食落唔會口乾同「確喉」。
麵質煙韌爽滑彈牙，唔會俾湯浸到腍晒。
肉燥排骨飯 ($78)
豬排係厚切，炸得好香口，可惜肉燥偏咸，感覺醬油味過濃，而且肉燥醬汁份量偏少，難以送哂成碗飯呢。
麻辣鴨血 ($32)
估唔到呢度會有麻辣鴨血，香港好多台灣舖都搵唔到架味道方面唔算辣但真係會食到嘴唇發麻，鴨血爽滑而且非常入味，好滿意！
滷味組合(滷旦、滷素雞)($28)
感覺滷味食物都唔太夠滷水味，醬汁味道似醬油蠔油，但滷蛋都尚算入味。
滷味-豬類(滷豬耳、滷豬血糕($38)
掛住食唔記得影相豬耳爽脆有嚼口，豬血糕第一次食，好似糯米咁煙煙韌韌。
蜂蜜檸檬珍珠紅茶($31)、台式珍珠奶茶($29)
呢度既飲品同其他台灣食店一樣味道較淡，適合消暑解渴同清清口腔。珍珠奶茶都比較特別，用上黑糖糖漿，味道無咁死甜。
總括黎講，呢度既湯底真係食得出冇加味精，唔會好似出面咁食完會口乾，價錢唔算平但勝在足料，不過如果要再貼近港人口味，可能都要落重少少香料了。
張貼
