行過左呢間老正興，都無留意，因為外面望入去，唔似好食/裝修好靚既餐廳，
但餐牌上又有我同男友都鍾意食既雞絲粉皮，
見里面得一檯食客，又唔洗等位，就入去試下~(當時行完黃金已經9點幾)
一入去有兩位老婆婆拎茶水比我地~好親切
餐牌上面有好多唔同既野食~仲有圖片
我地就點左雞絲粉皮，生煎包，咸肉炒菜飯，同高力豆紗，
生煎包~底部有小小燶，而且好脆，肉汁沒有被個包吸曬變淋~好好吃~:)
雞絲粉皮~個芝麻醬好香~雖然唔係好大碟，不過夠2個人食~而且$38~抵,我地係為左呢個入間店~
咸肉炒菜飯~炒到好乾身又不油膩，肉就真係咸~我食開偏淡，但男友食開濃味,佢話好吃~
高力豆紗~一碟8個，由於我地得2個人~所以婆婆話可以叫半份試下~我地就叫左半份，即叫即整,所以等左都有5分鐘以上，如果要食,可以早少少叫定~我地叫完,婆婆就入去廚房整喇~
9月4日,慶祝家姐生日，諗唔到食咩好又要就泊車同名人方便，咁我就提議去老正興食啦~
我地買左個蛋糕，婆婆幫我地放左係雪櫃，我地放低時，佢已經提醒我地記得食呀~
今次又係上次果兩個婆婆~所以我估呢間野係佢地開架~大廚應該都係佢地~
今次一行6人，所以上次男友想食既,今次就可以叫曬黎食~
照舊生煎包~雞絲粉皮
奶油津白~好香奶油味~份量亦足夠
牛肉包~有3個,體積同生煎包差不多~煎得好脆~
擔擔面x2~原本叫了一碗，太好吃所以叫多碗~
樟茶鴨~應該係得半隻鴨，因為我唔食~所以唔知味道如何,但見家人都清曬~應該都好吃~
爸爸很喜歡~
鎮江肴骨~男友上之食唔到~今次就食到~上湯同肉比例不錯~幾好食~
炒鱔糊石頭鍋飯~呢個好好食~好夠味，唔會話得一兩條鱔同油淋淋~
小籠包~皮太薄,一夾就破,,所以要小心~味道ok~
最後我地食完興高彩烈地就埋完單,
婆婆好細心,拎個蛋糕出黎~我地起曬身諗住走~完全唔記得左個蛋糕~
就咁食埋先走~婆婆就比d新既碟我地用~十分好~
係道食飯好有住家feel 好warm~:)
