樂天經典 (已結業)

樂天經典絕對係朋友/家人聚餐既好地方！呢度除咗坐得好舒服， 食物都非常之高質！🤤🤤🤤一坐低我哋就叫左淮山杞子鮮螺頭湯。平時喺出面飲嘅湯會覺得好重味精，好鹹。但係呢度嘅湯真係好鮮甜，而且非常足料。🙈感覺好養生👧🏻😻😆而且份量都好多，我哋四個人，大概都可以一人一碗半😍我地仲嗌左星洲黑胡椒螃蟹，啖啖肉好正😍黑胡椒好惹味！呢度仲好貼心，會準備圍裙比客人，咁就唔怕整污糟件衫啦😜另外，客家豆醬蒸黃魚都不得不讚。條魚好鮮甜，豆醬簡直係畫龍點睛，令魚嘅鮮味更加突出😎呢道菜好有屋企嘅味道❤️黃金蝦球都不得不提， 鹹蛋黃包住每一隻蝦。但係都食得出蝦好新鮮，好彈牙爽口。不過，對於鍾意食得清淡嘅我，真係一隻起兩隻止😆🙈苦瓜排骨都係我幾鍾意嘅一道菜。苦瓜好淋，又唔會太苦，有種甘甜嘅感覺。當然苦瓜排骨最重點係排骨啦，舊舊都吸收晒苦瓜嘅味會唔會太正🤤🤤其他嘢食都好高質，不過可能有啲貴。但係對於久唔久約一次嘅聚會，呢個地方係理想之選❤️😜