250
82
32
等級2
25
1
2021-08-16 548 瀏覽
奧海城金滿庭已經食左好多年,好多時隔幾個月就同家人一齊飯聚。好鍾意係呢度食野,因為環境舒服。一般都會個零星期前打電話book定位,否則可能要等好耐,我地大約11:45am來到金滿庭,等多大約1分鐘左右已經可以入座。同埋唔知點解,總係覺得事前book定位,佢地比你的位是會大啲同舒服啲,今日我地仲對住電視位坐,所以好舒服。另外一提的是,佢地如果下午1:00前埋單,係可以免加一的。一來到金滿庭,通常都會叫「人參烏龍」茶,咁多年都好鍾意呢隻茶,有淳香的烏龍茶味。見到門口而家有得另外買,但今次我地就無買了。今日叫左幾樣餸菜,大部份都好好食,包括1)水晶肴肉+花雕醉雞呢個次次都食,當係前菜,今次醉雞仲比雞脾我地,真係唔錯。今日的醉雞,其實如果唔點佢地比的花雕酒,只係食雞係無咩味的,但點埋花雕酒就好好味。水晶肴肉就次次的質素都表現得好好,食的時候感覺唔肥膩,亦唔會太乾太硬,呢個幾好食。(2) 酸辣湯(1位): 呢個都好食,有時好辣,但今日酸同辣的比例剛剛好,裡面有豆腐、木耳等等,個湯唔係好結或好稀,但個湯如果再熱返少少就更好。(3) 銀芽炒鱔糊:呢個又係次次叫,但如果想食芽菜,就一定要講明,否則就會
更多
奧海城金滿庭已經食左好多年,好多時隔幾個月就同家人一齊飯聚。好鍾意係呢度食野,因為環境舒服。
8 瀏覽
0 讚好
0 留言

一般都會個零星期前打電話book定位,否則可能要等好耐,我地大約11:45am來到金滿庭,等多大約1分鐘左右已經可以入座。同埋唔知點解,總係覺得事前book定位,佢地比你的位是會大啲同舒服啲,今日我地仲對住電視位坐,所以好舒服。另外一提的是,佢地如果下午1:00前埋單,係可以免加一的。

一來到金滿庭,通常都會叫「人參烏龍」茶,咁多年都好鍾意呢隻茶,有淳香的烏龍茶味。見到門口而家有得另外買,但今次我地就無買了。

今日叫左幾樣餸菜,大部份都好好食,包括:

(1)水晶肴肉+花雕醉雞
呢個次次都食,當係前菜,今次醉雞仲比雞脾我地,真係唔錯。今日的醉雞,其實如果唔點佢地比的花雕酒,只係食雞係無咩味的,但點埋花雕酒就好好味。水晶肴肉就次次的質素都表現得好好,食的時候感覺唔肥膩,亦唔會太乾太硬,呢個幾好食。
水晶肴肉+花雕醉雞
5 瀏覽
0 讚好
0 留言


(2) 酸辣湯(1位): 呢個都好食,有時好辣,但今日酸同辣的比例剛剛好,裡面有豆腐、木耳等等,個湯唔係好結或好稀,但個湯如果再熱返少少就更好。
酸辣湯
2 瀏覽
0 讚好
0 留言


(3) 銀芽炒鱔糊:呢個又係次次叫,但如果想食芽菜,就一定要講明,否則就會比韭菜。呢個餸唔係次次煮得好,但今日真係唔錯,上菜熱辣辣,芡汁係濃味的,但唔會太咸,平時鱔魚會有啲腥,但今日亦無呢個情況,鱔魚幾脆口的,我地會另外點豆瓣醬,辣辣地,仲好食。如果真係要講一樣野係可以做得更好的,會覺得啲芽菜有少少瘦弱,如果粗身少少更好。
銀芽炒鱔糊
1 瀏覽
0 讚好
0 留言

(4) 京醬肉絲(配薄餅): 呢個又係次次會叫,薄餅有6塊,以前厚身啲,而家薄過面膜。但其實都鍾意咁薄的薄餅,唔駛太厚。今日的京醬肉絲無平時咁好食,上菜唔算好熱,芡汁有點太多。個餸除左肉絲,仲會有啲京蔥,但今日的京蔥比得太少,什至係食唔出。平時將肉絲+京蔥包係薄餅一齊食係好好食,而口感和味道亦會豐富好多。但今日真係京蔥太少,味道口感亦變得單寡一些。
京醬肉絲(配薄餅)
3 瀏覽
0 讚好
0 留言

(5) 擔擔麵(唔辣):佢有幾個LEVEL的辣度,但最後都係選左唔辣。平時好鍾意食呢個麵,有少少肉碎+花生醬,個麵掛湯食都好好食。但今日係有啲失望,二個字「好咸」。唔止是個湯底咸,連個麵係唔加湯剩食的情況下都好咸。結果食左2啖,真係無辨法下,唯有cancel呢個麵。
擔擔麵(唔辣)
3 瀏覽
0 讚好
0 留言

(6) 炸銀絲卷: 佢地仲有蒸的,但我地每次都係叫炸的。今日呢個好好食。有時會炸到個外皮好硬太乾,什至個底部會好油,但今日沒有呢個情況,所有部份都好適中。銀絲卷唔加煉奶下都會有少少甜,所以其實唔駛點煉奶點少少就夠了。
炸銀絲卷
4 瀏覽
0 讚好
0 留言

(7) 小籠包(8隻) :有8隻或者5隻,我地就選8隻。今日上菜的時候,真係好大煙、好熱辣辣。小籠包的質素咁多年都keep得咁好,個皮唔會太厚太薄,剛剛好,裡面的肉也不會太散或太霉,好軟身但又有口感,裡面有好多肉汁(湯) 。曾經聽人講過,好的小籠包係用筷子夾個頂端位置,個皮都唔會爛,今日夾過,又真係無爛wor(可看下面圖)
小籠包(8隻)
2 瀏覽
0 讚好
0 留言

小籠包(8隻)
3 瀏覽
0 讚好
0 留言


(8) 「合桃金磚豆腐粒」: 因為cancel左個擔擔麵,發現唔夠食,結果叫多左一個「合桃金磚豆腐粒」(但亦因為呢個原因,時間過左下午1點,無得享受免加一的服務): 其實呢個好好食,豆腐細細粒,炸得剛剛好,合桃亦唔太硬,合桃面有芝麻亦配合得好好。但係呢個餸其實cp值唔夠,主要係價錢set得有啲貴,$128,份量唔算話好多,當然好好味,但係豆腐有啲似係一般酒樓食到的一口炸豆腐。而合桃個味道好好,但又未致於好突出。
合桃金磚豆腐粒
6 瀏覽
0 讚好
0 留言


(9) 花膠木瓜燉鮮奶: 反正都過左1點,所以就不如叫多個「花膠木瓜燉鮮奶」做甜品。因為需要燉,所以都用左耐啲的時間等。但呢個都有啲啲失望。可能因為食唔慣加熱的鮮奶,呢個鮮奶陣味好蘇。木瓜粒似是罐頭貨,但無論是罐頭貨定真係新鮮,鮮奶本身和木瓜粒唔係好融合得到。只飲鮮奶,係食唔出木瓜的味道的,而呢個本身係成個甜品做得較為失色的地方。

花膠木瓜燉鮮奶
0 瀏覽
0 讚好
0 留言


今日係因為慶祝家人生日而來的。大部份的食物都滿意啦,都食左呢間餐廳10幾年了,質素算是唔錯,食咁多野埋單都係$800幾蚊,價錢亦唔算太貴,真係唔錯,值得推薦。
34 瀏覽
0 讚好
0 留言
33 瀏覽
0 讚好
0 留言
39 瀏覽
0 讚好
0 留言
43 瀏覽
0 讚好
0 留言
47 瀏覽
0 讚好
0 留言
55 瀏覽
0 讚好
0 留言
46 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-15
用餐途徑
堂食
人均消費
$220 (午餐)
慶祝紀念
生日
推介美食
水晶肴肉+花雕醉雞
銀芽炒鱔糊
炸銀絲卷
小籠包(8隻)
小籠包(8隻)
合桃金磚豆腐粒
  • 小籠包