更多
2017-05-01
5244 瀏覽
收工收到媽子電話同埋個地址，話今晚出街食。心諗做咩咁突然平時都係我撬佢先會出去食，今晚竟然咁有興致？黎到先知原來表姐黎左香港，所以媽子就想同佢洗塵。都啱嘅，因為真係好耐無見了。前菜小食係啲青豆果仁等香口零嘴，如果係南乳花生就好了因為更香脆同醒胃。呢啲平時返工食得太多了，有啲食膩了。第一道係蒜香骨。炸得好乾身但肉唔算好柴，不過嫌蒜味唔太出俾蜜糖味遮蓋左啲。之後係一蚊雞。無錯，真係一蚊而已。雖然得半隻（其實係視乎人數而定）但味道真係唔錯。雞肉滑嫩而且有雞味，又有啲啲五香粉點綴幾好食的。燒腩肉。叉燒双併，呢個係有啲失色的，腩肉其實肥瘦均勻而豬皮都夠脆，但叉燒好硬入面都是乾的。雖然蜜汁有起到滋潤嘅作用，但都救唔到幾多。蒸石斑魚還是什麼的。鮮味十足，條魚蒸到啱啱熟所以魚肉仲係非常嫩滑同鮮甜，沾上少少豉油好快就清剩得返魚骨了。酒樓嘅蒸魚水準永遠都係屋企做唔返一樣的。最後係高湯浸小白菜，白果出奇地好食，一啲苦咊都無而且煙韌。但白菜本身唔算甜主要係靠上湯個味提出。所以都係中規中矩嘅作品。飯後果係原個紅蘋果。一日一蘋果，醫生遠離我，但洗得唔係好乾淨。成餐飯大家同表姐有傾有講咁，八卦下佢近況等等。耐無見真
前菜小食係啲青豆果仁等香口零嘴，如果係南乳花生就好了因為更香脆同醒胃。呢啲平時返工食得太多了，有啲食膩了。
第一道係蒜香骨。炸得好乾身但肉唔算好柴，不過嫌蒜味唔太出俾蜜糖味遮蓋左啲。
之後係一蚊雞。無錯，真係一蚊而已。雖然得半隻（其實係視乎人數而定）但味道真係唔錯。雞肉滑嫩而且有雞味，又有啲啲五香粉點綴幾好食的。
燒腩肉。叉燒双併，呢個係有啲失色的，腩肉其實肥瘦均勻而豬皮都夠脆，但叉燒好硬入面都是乾的。雖然蜜汁有起到滋潤嘅作用，但都救唔到幾多。
蒸石斑魚還是什麼的。鮮味十足，條魚蒸到啱啱熟所以魚肉仲係非常嫩滑同鮮甜，沾上少少豉油好快就清剩得返魚骨了。酒樓嘅蒸魚水準永遠都係屋企做唔返一樣的。
最後係高湯浸小白菜，白果出奇地好食，一啲苦咊都無而且煙韌。但白菜本身唔算甜主要係靠上湯個味提出。所以都係中規中矩嘅作品。
飯後果係原個紅蘋果。一日一蘋果，醫生遠離我，但洗得唔係好乾淨。成餐飯大家同表姐有傾有講咁，八卦下佢近況等等。耐無見真係會無所不談的。
張貼
