掌門重慶麻辣火鍋 (已結業)

呢排好似食極都唔飽咁，啱啱食完晚餐，轉個頭十點幾又肚餓，所以捉咗男朋友落嚟食宵夜， 本身諗住食串燒， 但經過哩間掌門 重慶 麻辣火鍋， 又畀佢吸引到，所以決定入嚟食，可能因為 都夜啦，所以 都係得一兩枱客， 店員都好熱情招待， 不停介紹 店舖出名嘅菜式， 我哋就點咗一個 店舖推介嘅麻辣火鍋湯底， 然後嗌咗啲墨魚丸 蔬菜籃 同埋店員推介嘅牛肩脊，雖然點咗三款配料加個湯底，埋單 都唔平喔， 都要四百蚊鬆啲，不過佢啲嘢食都唔差嘅， 下次可以叫埋一大班朋友嚟試， 咁樣可以食多啲款式