九龍坎麻辣火鍋

營業中

休息中

話說有朋友嚟香港玩，想食啲特色啲嘅火鍋，一直未試過麻辣火鍋嘅佢，揀咗呢一間充滿宮廷感嘅火鍋餐廳，裝修到成個宮殿咁樣。九龍坎，位於彌敦道，近佐敦同油麻地嘅中間，如果以前有去過新光飲茶嘅話，應該知道大概位置。職員非常好禮貌，全部都係講普通話嘅。不過都好落力係咁介紹唔同嘅餐單。如果你個朋友，鍾意打卡嘅話，呢度就啱晒佢，事關仲可以着住漢服影相添。📌一米長肥牛 上枱嚇親，因為碟牛肉足成米咁長，張枱都唔夠佢咁長。兩個人食完全一碟就夠，多幾個人share就開心啲啦。📌九格格啱晒貪心嘅朋友仔，一份已經有齊九種唔同嘅配料，大部份都係香港打邊爐少見嘅。每個都裝係一個茶杯上，的的式式，顯得更加過癮。中間嗰份係鴨血，同平時食開嘅好唔同，原來係新鮮直送。📌四菌子😂個架好得意！裝住四款唔同嘅菇菌，當中覺得竹笙係最好食，因為吸晒所有嘅湯嘅精華。另外三款嗰個都係比較少見嘅，如果換返做金菇應該更加正。湯底揀咗蕃茄湯同麻辣，如果鍾意辣嘅朋友仔，呢個湯底唔算好難，反而椒麻味重。蕃茄湯底都算唔錯，當然辣會更加吸引。