影片
更多
2022-05-15
364 瀏覽
上網見到中環新開左一間好高級嘅印度菜，感覺好似去咗宮殿咁樣！嗱嗱臨去訂枱～Lunch時間仲要係假期，真係座無虛席。餐牌主要以單點為主，選擇多多，包括前菜、各式各樣的咖喱主食、Naan印度薄餅等，當然不少得印度特色飲品Lassi～～我哋就每人叫咗啲share試吓！餐前脆片小食，香料夠特色！Mughlai Jheenga Fried Shrimp with Homemade Guava Chutney $188 炸蝦、番石榴酸辣椒醬呢款食物上面嘅炸蝦除咗口感爽彈之外，仍然保持應有水份，下面仲有啲紅菜頭汁，配搭獨特，加上番石榴酸辣椒醬，多種香味夾雜，相當滋味。Raj Kachori $ 138 Mix Chaat , Mint Chutney , Tamarind Sauce and yoghurt 雜脆、薄荷酸辣醬、乳酪醬汁、羅望子醬汁好香口，成個波咁可以整碎再食，適合打卡。上面有勁多唔同嘅豆同配料，加埋幾款特色醬汁，少少辣香，以香味為主，其實幾match。Chutney Butter Chicken $ 198 Classic butter chicken with charred c
Lunch時間仲要係假期，真係座無虛席。餐牌主要以單點為主，選擇多多，包括前菜、各式各樣的咖喱主食、Naan印度薄餅等，當然不少得印度特色飲品Lassi～～我哋就每人叫咗啲share試吓！
餐前脆片小食，香料夠特色！
Mughlai Jheenga
Fried Shrimp with Homemade Guava Chutney $188 炸蝦、番石榴酸辣椒醬
呢款食物上面嘅炸蝦除咗口感爽彈之外，仍然保持應有水份，下面仲有啲紅菜頭汁，配搭獨特，加上番石榴酸辣椒醬，多種香味夾雜，相當滋味。
Raj Kachori $ 138
Mix Chaat , Mint Chutney , Tamarind Sauce and yoghurt 雜脆、薄荷酸辣醬、乳酪醬汁、羅望子醬汁
好香口，成個波咁可以整碎再食，適合打卡。上面有勁多唔同嘅豆同配料，加埋幾款特色醬汁，少少辣香，以香味為主，其實幾match。
Chutney Butter Chicken $ 198
Classic butter chicken with charred chicken tikka
牛油咖喱雞
Malabar Fish Curry $ 206
Barramundi fillets , fresh coconut , curry leaf
澳洲盲鰽魚魚柳咖喱、新鮮椰子、咖喱葉
呢兩款嘅咖喱味道唔同嘅，一款就橙色啲，一款就黃色啲，黃色嗰款就係盲鰽魚～我就覺得相對香啲可能因為有椰子同埋咖喱葉香味，牛油咖喱雞就比較香牛油味，啲雞肉都一樣好滑。 各有各特色可以配搭唔同嘅Naan！
Plain Naan$42
Truffle Cheese Naan $58
我哋就叫咗款原味同黑松露發酵麵餅，配搭咖喱其實真係好夾！黑松露本身好香，我就覺得直接食五點咖喱仲正，因為黑松露味會比較突出到。 基本口味就適合點上醬汁，更加滋味。
Passion Fruit Coconut Cake $108
呢款好似高級餅店咁樣，表面睇落成個波咁，比較軟滑，表面就有清香嘅椰子味，而且中間亦都有特別香嘅熱情果味，甜味相對適中。
Lassi Mango / Rose $95
嚟得印度餐廳點可以唔飲Lassi，裏面主打乳酪同水果味，我哋就揀咗芒果味比較經典，仲有平時好少見到嘅玫瑰味，芒果味真係好香、配搭乳酪都好夾；玫瑰就比較特別少少，因為配搭左個感覺偏向係酸奶嘅feel，相對開胃呢！
訂咗嘅時候諗住環境好，真係冇諗過食物都咁高質素，絕對值得encore同介紹其他人過嚟食，亦都很符合香港人口味！
張貼
