樂天皇朝 (東薈城名店倉)

營業中

休息中

記得樂天皇朝嘅八色小籠包，曾經成為城中熱話，今日經過就再去尋回記憶。每張枱上面都有卡紙，詳細介紹每隻顏色代表咩味道，以及品嚐嘅先後次序。由淡到濃，每一隻味都各有特色，但我最鍾意嘅都係佢嘅原味哈哈。朋友想食蘿蔔絲酥餅，出乎意料地有驚喜！上枱時熱辣辣，一咬落去超級鬆脆，入邊係滿滿嘅蘿蔔絲，十分滿足！甜品叫咗宮廷騾打滾，一開始聽個名完全唔知係咩，見好多人推薦就膽粗粗叫嚟試吓。估唔到咁古色古香嘅名字，竟然係我最鍾意嘅麻糬！煙煙韌韌又有層次感，紅豆餡都唔會過甜，出面再加咗一層黃豆粉，錦上添花！題外話，同茶一齊附上嘅花生小食，都有驚喜。軟身入味又唔會太粉，好少茶芥包埋嘅小食會做到。