影片
更多
2023-05-31
188 瀏覽
上網見到有間可以著漢服打卡嘅火鍋店，決定去睇睇係點，上去就已經見到，門口有好多衫，仲見到有個化妝位比啲著漢服嘅人化妝，不過現場唔係見到太多食客着住漢服食，可能體驗完就換番自己衫食飯，或者同我一樣真係上去睇下現場係點😂依度係用QRcode自助落單嘅，一入去就已經計咗茶位同醬料錢講返野食先，今次叫咗：鴛鴦湯底-輕成都口味（小辣）+菌湯如果唔太常食成都麻辣火鍋，建議揀依個輕成都口味，感覺清爽啲無咁油，但果陣香、辣、麻仍然好足，食得好過癮九格格 $186九格格同個名一樣 有九格野食，豬黃喉，毛肚，牛丸，蝦，魚片，鴨腸，海帶，鮮鴨血同珊瑚蚌格上面有個表寫咗食材大約要煮幾耐、可以做個參考👏🏻九格格裏面最中意鮮鴨血， 因為佢上格果陣 有啲似啱啱新鮮整好嘅狀態，成碗半凝固嘅啫喱咁放落碗仔度，唔知同就咁叫一份果啲有無分別🤔鴨血同麻辣鍋真係好夾，食落好夠味好嫩滑～其他食材質素都ok,依個九格格啱曬想試多款式又怕食唔落嘅人，如果兩個人嚟真係必點功夫牛（細）$123質素郁唔錯，係平時打邊爐會食到靚少少嘅牛 ，以份量嚟講個價錢同其他食材比相對較高，但都可以接受農家一品香$46有幾款豆類製品，包括豆皮、豆腐、鮮支
依度係用QRcode自助落單嘅，一入去就已經計咗茶位同醬料錢
講返野食先，今次叫咗：
鴛鴦湯底-輕成都口味（小辣）+菌湯
如果唔太常食成都麻辣火鍋，建議揀依個輕成都口味，感覺清爽啲無咁油，但果陣香、辣、麻仍然好足，食得好過癮
九格格 $186
九格格同個名一樣 有九格野食，豬黃喉，毛肚，牛丸，蝦，魚片，鴨腸，海帶，鮮鴨血同珊瑚蚌
格上面有個表寫咗食材大約要煮幾耐、可以做個參考👏🏻
九格格裏面最中意鮮鴨血， 因為佢上格果陣 有啲似啱啱新鮮整好嘅狀態，成碗半凝固嘅啫喱咁放落碗仔度，唔知同就咁叫一份果啲有無分別🤔鴨血同麻辣鍋真係好夾，食落好夠味好嫩滑～其他食材質素都ok,依個九格格啱曬想試多款式又怕食唔落嘅人，如果兩個人嚟真係必點
功夫牛（細）$123
質素郁唔錯，係平時打邊爐會食到靚少少嘅牛 ，以份量嚟講個價錢同其他食材比相對較高，但都可以接受
農家一品香$46
有幾款豆類製品，包括豆皮、豆腐、鮮支竹～全部都吸味野，索晒湯好好味
五花肉（細）$43
雖然寫細，但都唔算少，同平時任食嘅質素差唔多，但單點依個價錢都算幾抵
土豆粉（細）$16
土豆粉嘅口感好爽滑，帶少少煙韌，比薯粉軟身
最後叫咗兩個甜品戒戒辣～
小月亮冰粉$20
戒辣一流！碗冰粉嘅配料雖然好多，但唔係好甜
青提雪山冰$58
好有驚喜好好食，啲冰刨到好碎，一入口就化，而且比起專賣甜品嘅舖頭平，唔知其他味係唔係都係咁正呢😆
張貼
