宮廷裝修幾有趣，menu 食物名都改得幾頂癮！打開聖旨，原來成為大滾友會員可以儲積分，仲有迎新優惠～
🥘玲瓏浮凸。花膠雞湯鍋：職員介紹先食花膠，雞件食時燙5、6分鐘。一開波職員將一大片花膠剪開，煮大概10分鐘就食得，花膠厚又爽。如果想花膠滑啲可以留最後先食。
食完唔係咪玲瓏浮凸就唔知，但起碼湯底濃郁唔肥膩👍🏻
🥢海鮮拼盤（細）：有肥美桶蠔、蟶子、扇貝、基圍蝦、白沙蜆等。桶蠔、蟶子鮮甜又大件，整體上海鮮幾新鮮值得試👍🏻。
🥢紫菜腐皮卷：好多人推介腐皮卷，呢個係即食，入口卜卜脆，腐皮卷好扎實，紫菜味濃，大人小朋友都中意食！
味道：🔅🔅🔅🔅
新鮮：🔅🔅🔅🔅
分量：🔅🔅🔅🔅
衛生：🔅🔅🔅
速度：🔅🔅🔅
（5🔅為滿分）
2
3
1
