影片
更多
2018-04-23
145 瀏覽
今日同大家介紹下呢間難得浪漫嘅泰國餐廳，通常情侶浪漫都係去西餐廳，但今次呢間竟然係一間泰國餐廳。餐廳位於尖沙咀海港城港威一處，門口全藍色，同餐廳名完全match 晒- blue elephant。先要經過藍色時光隧道先會入到餐廳，帶住點點嘅神秘感。今次被安排住喺圓形sofa位置，一邊捱住2個軟棉棉嘅cushion，一邊食飯，好舒服啊!餐廳以宮廷式美點為題材，所以打開餐牌都會見到好多精緻美食。首先，頭盤有「泰國皇家宮殿蒸餃子」，賣相已經夠晒吸引，好似有兩隻一藍一白嘅小鴨仔喺度游水咁，餃子入面有雞肉碎同埋蝦mix埋一齊。另一款同樣賣相相當精美嘅係「芒果軟殼蟹米紙卷」，一層薄薄嘅米紙卷包住金黃香脆嘅軟殼蟹，再加埋香甜多汁嘅芒果肉，超好味呀，仲有2種醬料可以比大家選擇。食泰國菜點串燒是常識吧，今次當然唔少得點左個小食拼盤，入面包羅萬有，有泰式沙嗲雞串x2，泰式沙嗲豬串x2，藍象炸蝦餅x2，脆皮青咖哩黃金包，馬可慢煮花生軟糖配新鮮菠蘿x2，串燒燒得好香好入味，蝦餅同黃金包都好好味，而馬可mix花生軟糖味道比較特別，可能未必人人接受，不過我覺得一試無妨始終都係泰國嘅特色食物。金不換辣椒炒河粉炒得好
先要經過藍色時光隧道先會入到餐廳，帶住點點嘅神秘感。今次被安排住喺圓形sofa位置，一邊捱住2個軟棉棉嘅cushion，一邊食飯，好舒服啊!
餐廳以宮廷式美點為題材，所以打開餐牌都會見到好多精緻美食。
首先，頭盤有「泰國皇家宮殿蒸餃子」，賣相已經夠晒吸引，好似有兩隻一藍一白嘅小鴨仔喺度游水咁，餃子入面有雞肉碎同埋蝦mix埋一齊。
另一款同樣賣相相當精美嘅係「芒果軟殼蟹米紙卷」，一層薄薄嘅米紙卷包住金黃香脆嘅軟殼蟹，再加埋香甜多汁嘅芒果肉，超好味呀，仲有2種醬料可以比大家選擇。
食泰國菜點串燒是常識吧，今次當然唔少得點左個小食拼盤，入面包羅萬有，有泰式沙嗲雞串x2，泰式沙嗲豬串x2，藍象炸蝦餅x2，脆皮青咖哩黃金包，馬可慢煮花生軟糖配新鮮菠蘿x2，串燒燒得好香好入味，蝦餅同黃金包都好好味，而馬可mix花生軟糖味道比較特別，可能未必人人接受，不過我覺得一試無妨始終都係泰國嘅特色食物。
金不換辣椒炒河粉炒得好香，好乾身，河粉又唔會過油，認真好味。
最後睇落無咩特別嘅蝦醬辣椒炒通菜真係不得不提，除左蝦醬夠晒香之餘，仲要加埋粒粒蝦乾，完全帶出蝦乾香味，而且味道唔會太鹹，恰到好處。
大家下次想食泰國菜，不妨考慮下呢間餐廳!
張貼
