影片
更多
2023-08-18
97 瀏覽
之前同媽媽經過見到呢間門面好豪華，火鍋好吸引既餐廳，一直想帶佢去食，難得今日得閒就帶佢去做個貴婦，食個有氣派既貴婦邊爐。之所以叫貴婦邊爐系因為呢度裝修得好靚，以6,70年代衣車同製衣業為主題，令媽媽勾起起不少舊時回憶。另外呢度既職員服務好好，同埋食物以花為主，貴婦級享受。粉紅夢幻套餐 $388媽媽見到隔離枱有個粉紅色火鍋，好奇下問職員原來最近有個粉紅夢幻套餐，包粉紅牛乳玫瑰湯底、粉紅墨魚滑同粉紅薔薇（砵仔糕）。粉紅色系用火龍果調教出黎，顏色好鮮艷吸引，相信女士們都會喜歡。本身都會好擔心好奇怪，但湯底非常好飲，用木瓜、食用玫瑰花、牛乳做出黎既湯底，味道幾清而且帶有牛乳香味，就算放火鍋配料都好夾。粉紅薔薇（砵仔糕）有少少fresh既火龍果味，味道一啲都吾甜。太極兩儀 $428太極貌相既2款肉，分別系：紅酒浸安格斯牛、黑松露牛乳浸梅花豬肉片，前者食落好重紅酒味，略為蓋過左牛肉原味道，後者口感幾爽，肉質幾好，但食吾出黑松露味。天倫鍋心 $98精緻既造型，令人吾捨得食。全部都系生既點心，用黎打邊爐用，第一次將點心打邊爐，有蝦餃、燒賣、奶黃水晶包等等。七彩餃子 $108七種特別既顏色，要到食落口先
粉紅夢幻套餐 $388
媽媽見到隔離枱有個粉紅色火鍋，好奇下問職員原來最近有個粉紅夢幻套餐，包粉紅牛乳玫瑰湯底、粉紅墨魚滑同粉紅薔薇（砵仔糕）。
粉紅色系用火龍果調教出黎，顏色好鮮艷吸引，相信女士們都會喜歡。本身都會好擔心好奇怪，但湯底非常好飲，用木瓜、食用玫瑰花、牛乳做出黎既湯底，味道幾清而且帶有牛乳香味，就算放火鍋配料都好夾。
粉紅薔薇（砵仔糕）
有少少fresh既火龍果味，味道一啲都吾甜。
太極兩儀 $428
太極貌相既2款肉，分別系：紅酒浸安格斯牛、黑松露牛乳浸梅花豬肉片，前者食落好重紅酒味，略為蓋過左牛肉原味道，後者口感幾爽，肉質幾好，但食吾出黑松露味。
天倫鍋心 $98
精緻既造型，令人吾捨得食。全部都系生既點心，用黎打邊爐用，第一次將點心打邊爐，有蝦餃、燒賣、奶黃水晶包等等。
七彩餃子 $108
七種特別既顏色，要到食落口先知每款系咩餡料，餃子皮會偏厚身，但幾滑。
金華火腿菜肉餃
和牛香茜餃
姬松茸野菌餃
蟲草花餃
午餐肉粟米餃
冬菇薺菜餃
蟹肉黑松露餃
七色丸 $108
同樣7種不同顏色既手工丸，最有印象同最濃味系青色既青咖哩墨魚丸，好濃咖哩味。
鹹蛋黃墨魚丸
蟹籽墨魚丸
青咖哩墨魚丸
南乳墨魚丸
椰芋墨魚丸
紅咖哩墨魚丸
手工芝士鮮蝦丸
皮蛋蝦滑 $108
有得玩有得食既皮蛋蝦滑，自己整爛皮蛋再拌勻，蝦滑明顯見到啲大隻既蝦肉，所以食落有皮蛋香味之外，口感好爽口，意外好食。
琥珀誘惑 $88
以番石榴做出黎既玫瑰花冰，加上用奇異果汁、橙汁、菠蘿汁調配出嚟既果汁，入口酸酸甜甜，好岩打邊爐。最搞笑系杯內有一條橡皮糖，可能用黎裝飾。
花月豪庭 $128
以藍莓、蘋果配北海道牛奶調教出黎既飲品，貌相非常奪目，表面放上棉花糖蛋糕同奇異果、蜜瓜等生果。
張貼
