影片
更多
2022-10-06
20 瀏覽
午飯時間係觀塘裕民坊俾呢間以歐陸式宮庭花園裝修既cafe吸引左入去食lunch。餐廳有分室內和室外，周圍都佈滿著花草。坐室外就如置身於秘密花園中，夏天都唔會覺得熱，因爲風扇足夠。室內氣氛都好典雅，有蠟燭同雕塑擺設，充滿浪漫氣息。打卡絕對一流。紅酒燴羊膝意大利飯 $128羊膝真係原隻上，配有青瓜、小番茄、芝士。羊膝已經燴到好淋，唔洗用刀都可以分開肉同骨。入口有微微嘅紅酒味，亦都唔缺乏羊嘅味道。而飯粒軟硬度適中，有傳統意大利米嘅硬度。澳洲草飼西冷扒8安士配燒汁 $158擺盤充分地利用左各種蔬菜，做到五顏六色，頗為出色。西冷搭配薯蓉、黃色既翠玉瓜、青瓜、車厘茄做襯托。面上在鋪上紫色既花朵同埋綠葉，香氣撲鼻。餐湯南瓜湯南瓜味，好濃郁。好Creamy，又唔會太甜。提提你飲之前要攪一攪喔。夏日薄荷西瓜冰咁熱嘅天氣梗係要飲呢個消暑尤物，就係期間限定嘅飲品。西瓜冰係由新鮮西瓜榨汁製成嘅，加入薄荷葉攪勻。品嚐到西瓜既甜味帶有薄荷既清新味，認真消暑。派對白桃烏龍茶套茶具十分耀眼，金色嘅手柄配上花紋玻璃好有貴族feel。白桃味相當濃，容易入口。總括而言，餐廳嘅性價比都頗高。以親民價錢配上豪華嘅裝修，高質嘅食
午飯時間係觀塘裕民坊俾呢間以歐陸式宮庭花園裝修既cafe吸引左入去食lunch。餐廳有分室內和室外，周圍都佈滿著花草。坐室外就如置身於秘密花園中，夏天都唔會覺得熱，因爲風扇足夠。室內氣氛都好典雅，有蠟燭同雕塑擺設，充滿浪漫氣息。打卡絕對一流。
紅酒燴羊膝意大利飯 $128
羊膝真係原隻上，配有青瓜、小番茄、芝士。羊膝已經燴到好淋，唔洗用刀都可以分開肉同骨。入口有微微嘅紅酒味，亦都唔缺乏羊嘅味道。而飯粒軟硬度適中，有傳統意大利米嘅硬度。
澳洲草飼西冷扒8安士配燒汁 $158
擺盤充分地利用左各種蔬菜，做到五顏六色，頗為出色。西冷搭配薯蓉、黃色既翠玉瓜、青瓜、車厘茄做襯托。面上在鋪上紫色既花朵同埋綠葉，香氣撲鼻。
餐湯南瓜湯
南瓜味，好濃郁。好Creamy，又唔會太甜。提提你飲之前要攪一攪喔。
夏日薄荷西瓜冰
咁熱嘅天氣梗係要飲呢個消暑尤物，就係期間限定嘅飲品。西瓜冰係由新鮮西瓜榨汁製成嘅，加入薄荷葉攪勻。品嚐到西瓜既甜味帶有薄荷既清新味，認真消暑。
派對白桃烏龍茶
套茶具十分耀眼，金色嘅手柄配上花紋玻璃好有貴族feel。白桃味相當濃，容易入口。
總括而言，餐廳嘅性價比都頗高。以親民價錢配上豪華嘅裝修，高質嘅食物，而且地點超級方便，距離地鐵站3分鐘路程。啱曬放工或者附近行完街既你。
張貼
