成都老碼頭火鍋 (已結業)

今日去到旺角大角咀交界嘅塘尾道，今次嚟到一間主打宮庭式火鍋嘅成都老碼頭火鍋，號稱「成都必吃火鍋」😱獎項榮譽有全成都火鍋三強、全國最佳火鍋十強，真係好強勁嘅過江龍！😯醬料區有店家自家製香油，我本身打邊爐好着重醬汁，見到已經食慾大振😋行行下突然見到呢罐好熟悉嘅麻油，仲記得幾年前去四川成都旅行，喺成都嘅大街小巷食咗唔少麻辣火鍋店，連鎖名店以及街坊小店都有，少不免都會有呢罐麻油罐，絕對係麻辣火鍋嘅icon之一😎聽當地人講，呢罐麻油係佢哋醬油碟嘅base，佢哋叫「油碟」，油碟除咗用嚟降溫，仲會有效地減低麻辣火鍋嘅油膩感。😌為咗迎合宮庭風格，今次專程試下藥膳鍋底！之前幾乎每次去麻辣火鍋店都係食麻辣湯底，今次食藥膳湯，感覺幾有新鮮感！😆西班牙黑毛豬腩肉片肉質爽滑，用嚟打邊爐好適合！皇帝雞件叫得藥膳鍋底，當然唔少得要加啲雞去煲一煲佢！老友鬼鬼(墨魚滑)油炸鬼釀入墨魚滑，面頭再舖上蟹籽，好得意嘅配搭！珊瑚蚌外表橙紅色，好靚仔嘅蚌🤩爽口彈牙，淥兩淥就啱晒！😜最後食埋生菜、茼蒿！