黑門水產すいさん (棉登徑)

公司有同事生日，借機捉緊最後4人限聚係尾巴 😛 我地一行11人黎到尖沙咀棉登徑嘅「黑門水產」，一入到黎就俾餐廳裝修吸引到，木牆身加上牆上海報，彷如去咗 🇯🇵 嘅黑門市場，濃濃日本風☺️ 入內見到天花掛滿不同種類嘅貝殼同水泡，好有海洋氣息 🏄🏼‍♀️  餐牌嘅選擇豐富，有刺身壽司類嘅定食，亦有鍋物同便當類既定食 🍱 有選擇困難症嘅我花左唔少時間先揀到心水食物。雖然呢幾日天氣開始轉涼，我仍然揀左刺身定食！ ===========================刺身定食 $168刺身嘅擺盤好有心思，定食有吞拿魚、油甘魚、三文魚、帶子、海膽、甜蝦六種刺身。雖然擺盤唔錯，但見到刺身嘅色澤就大約估到新鮮程度 ☹️ 吞拿魚嘅色澤暗啞，唔知係咪因為疫情關係，輪轉少咗令刺身唔新鮮。甜蝦同飯用左醬油漬，蓋過甜蝦本身嘅鮮味 😕 飯嚟到果陣已經凍咗，加上乾身同硬，口感一般 😔 除咗刺身之外，配菜有千島醬沙律、茶碗蒸、中華沙律同麵豉湯。 總括嚟講，餐廳嘅環境同裝修非常日本風 🇯🇵 可惜刺身質素一般，唔夠新鮮，可能刺身唔係「十八番」嘅強項啦 😕 見到其他同事食鍋物反而津津有味，有緣再嚟一戰～==============