對我嚟講一年365日，日日都可以打邊爐因為我真係好鍾意打邊爐呀！！！
而呢間定時定侯都要報到下，永遠唔會失望嘅
貪心的小鬼湯底緊係揀鴛鴦啦
分別係祖傳秘製麻辣鍋同埋一品酸菜白肉鍋
祖傳秘製麻辣鍋好有驚奇 夠麻 小辣 食得好舒服
仲要有陣藥膳，唔知大家鍾唔鍾意藥膳味，但係我係勁鍾意架😫所以完全係bonus呀！
酸菜白肉就ok 無話有咩勁特出嘅地方，不過就多菜到傻，可以唔洗叫菜咁濟
講幾樣係必叫嘅～
叫咗極品安格斯肥牛(小) 次次叫親都覺得好靚，見倒都興奮
肉質超嫩入口即溶feel🫠🫠🫠
雖然個名叫(小) 但係估你唔倒兩個人都差d食唔哂
仲有至尊水餃皇，勁香勁足料，我可以一口啪兩粒
叫埋個五色丸丸拼盆，樣樣都有d 中伏都唔會話夾硬食埋佢
不過有款係爆醬嘅‼️大家食嘅時候要小心喇
香蒜炸魚皮又係必叫，因為其他地方食唔倒 就咁食都超好味!!!
